शिवतेज पुन्हा तळपणार! मालवणातील शिवपुतळ्याचे काम पूर्णत्वाकडे, लवकरच होणार अनावरण.

योद्ध्याच्या रूपातील तलवारधारी शिवपुतळ्याचे येत्या १ मे अर्थात महाराष्ट्र दिनी अनावरण करण्याच्या दृष्टीने तयारी सुरू आहे. शिवरायांचे हे विराट रूप शिवप्रेमींसाठी मनात साठवावे, असे असेल.राज्यातील राजकारणात वादळ निर्माण करणाऱ्या आणि देशभरातील शिवभक्तांच्या मनाला वेदना देणाऱ्या दुर्घटनेची सल दूर सारून महाराष्ट्राचे आराध्य दैवत छत्रपती शिवाजी महाराज यांचा पुतळा पुन्हा एकदा मालवणमधील राजकोट किल्ल्यावर उभा करण्याचे काम जवळपास पूर्ण झाले आहे. योद्ध्याच्या रूपातील तलवारधारी शिवपुतळ्याचे येत्या १ मे अर्थात महाराष्ट्र दिनी अनावरण करण्याच्या दृष्टीने तयारी सुरू आहे. शिवरायांचे हे विराट रूप शिवप्रेमींसाठी मनात साठवावे, असे असेल.पंतप्रधान नरेंद्र मोदी यांच्या हस्ते अनावरण झालेला मालवणमधील राजकोट किल्ल्यावरील शिवरायांचा ३५ फुटी पुतळा अवघ्या आठ महिन्यांत कोसळल्याने देशभरात संतापाची लाट उसळली होती; मात्र आता त्याच ठिकाणी छत्रपतींचा पुतळा उभा राहात आहे. त्यासाठी जवळपास ३२ कोटी रुपये खर्च आला आहे. विशेष म्हणजे नव्याने उभारण्यात आलेल्या या पुतळ्याचे आयुर्मान १०० वर्षे असून, तो कोणत्याही वादळांना तोंड देईल.

जगविख्यात शिल्पकार राम सुतार यांनी तो साकारला आहे.पुतळा उभारणीसाठी आयआयटी मुंबईकडून मान्यताप्राप्त संकल्पनेनुसार डुप्लेक्स स्टीलचे फ्रेमवर्क वापरण्यात आले आहे. उच्च दर्जाचे स्टेनलेस स्टीलमध्ये अखंड वेल्डिंगद्वारे जोडकाम करून स्ट्रक्चरल सांगाडा तयार करण्यात आला आहे. पुतळा उभारण्यासाठी ब्राँझ धातूचा उपयोग करण्यात आला असून, त्यात ८८ टक्के तांबे तसेच जस्त आणि कथिल धातूचा समावेश आहे. पुतळ्याच्या चौथर्‍याच्या पायासाठी १२.६० मीटर बाय १२.६० मीटर बाय ३.८० मीटर आकाराचे खोदकाम करण्यात आले आहे. यामध्ये १ मीटर जाडीच्या एम ५० दर्जाच्या काँक्रीटमध्ये स्टेनलेस स्टीलच्या सळया वापरून पायाचे काम पूर्ण करण्यात आलेले आहे. याशिवाय गंजरोधक बांधकाम साहित्य वापरण्यात आले आहे. ९.६० मीटर बाय ९.६० मीटर आकाराच्या चबुतऱ्याचे जमिनीवर तीन मीटर उंचीपर्यंत आरसीसी पद्धतीचे बांधकाम पूर्ण करण्यात आले आहे.तलवारीसह पुतळ्याची एकूण उंची ८३ फूट इतकी असून पुतळ्याच्या चबुतराची उंची १० फूट इतकी आहे. फयान, निसर्ग, तोक्ते यासारखी वादळे गेल्या काही वर्षात कोकण किनारपट्टीवर धडकत आहेत.

यापार्श्वभूमीवर सर्व वातावरणीय परिणामांच्या माऱ्यास योग्य प्रकारे तोंड देईल, अशा पद्धतीचा पुतळा उभारण्यात आला आहे.यापूर्वीचा पुतळा कोसळल्यानंतर राज्य सरकारने यासंदर्भात चौकशी समिती नेमली होती. या समितीने त्यांच्या अहवालात गंज आणि कमकुवत फ्रेममुळे पुतळा कोसळण्यामागचे मुख्य कारण असल्याचे म्हटले होते. त्यानंतर राज्य सरकारने या ठिकाणी नवा पुतळा उभारण्याची घोषणा करीत सार्वजनिक बांधकाम विभागाकडे यासंदर्भातील निविदा प्रसिद्ध करण्याचे काम सोपवले होते. त्यानुसार सार्वजनिक बांधकाम विभागाने ३१.७५ कोटी रुपयांच्या पुतळ्याचे काम हाती घेतले.चबुतरा व तलवारीसह पुतळ्याची उंची —८३ फूट प्रत्यक्ष पुतळ्याची उंची —६० फूट अंदाजे ४० टन ब्राँझचा वापर —३५ टन स्टील फ्रेमवर्क ३० टन एसएस —३१६ दर्जाचे स्टेनलेस स्टील सळया
चौथऱ्यासाठी— ७०० घनमीटर एम ५० काँक्रीट आयुर्मान —शंभर वर्षे