ए, काय चाललंय हे? ‘इन्फ्लुएन्सर’ विवाहितेला नवऱ्याने प्रियकरासोबत रंगेहाथ पकडलं, पुढच्या क्षणी…

रविना एक सोशल मीडिया इन्फ्लुएंसर आहे. ती सोशल मीडियावर Reels आणि व्हिडिओ बनवते. तिच्या व्हिडिओमुळे तिची लोकप्रियता वाढली होती. याच दरम्यान तिची ओळख सुरेशसोबत झाली. दोघांमध्ये प्रेमसंबंध निर्माण झाले.हरियाणातील भिवानीमध्ये एका महिलेने प्रियकराच्या मदतीने नवऱ्याचा खून केला. त्यानंतर दोघांनी मिळून नवऱ्याचा मृतदेह नाल्यात फेकून दिला. संबंधित महिलेला तिच्या पतीने प्रियकरासोबत आक्षेपार्ह अवस्थेत रंगेहाथ पकडल्यानंतर हे हत्याकांड घडले. आरोपी महिलेचे नाव रविना असून ती सोशल मीडिया इन्फ्लुएंसर आहे. या प्रकरणी पोलिसांनी रविनाला अटक केली आहे, तर तिचा प्रियकर सुरेश पसार आहे.रविना आणि प्रवीण यांचे लग्न 2017 मध्ये झाले होते. त्यांना सहा वर्षांचा मुलगा आहे. रविनाची ओळख दोन वर्षांपूर्वी सुरेशसोबत झाली. सुरेश त्याच्या YouTube अकाउंटसाठी व्हिडिओ बनवत असे. रिपोर्टनुसार, रविनाचा नवरा प्रवीण या गोष्टीला विरोध करत होता. तरीही रविना आणि सुरेश एकत्र व्हिडिओ बनवत होते.

25 मार्च रोजी प्रवीण संध्याकाळी घरी परतला. तेव्हा त्याला त्याची पत्नी रविना आणि सुरेश आक्षेपार्ह अवस्थेत दिसले. त्यामुळे दोघांमध्ये वाद झाला. त्या रात्री रविना आणि सुरेश यांनी मिळून प्रवीणचा गळा दुपट्ट्याने आवळला आणि त्याला मारून टाकले. जेव्हा कुटुंबीयांनी प्रवीणबद्दल विचारले, तेव्हा रविनाने काहीच माहीत नसल्याचा बहाणा केला.त्यानंतर दोघांनी प्रवीणचा मृतदेह दुचाकीवर टाकला आणि शहराबाहेर नाल्यात फेकून दिला.

कुटुंबीयांनी पोलिसात तक्रार दाखल केल्यानंतर तीन दिवसांनी प्रवीणचा मृतदेह कुजलेल्या अवस्थेत सापडला. सोशल मीडियावर एक व्हिडिओ व्हायरल झाला आहे. त्यात रविना आणि सुरेश प्रवीणचा मृतदेह बाईकवर घेऊन जाताना दिसत आहेत.पोलिसांनी या प्रकरणाचा तपास सुरू केला आहे. तपासादरम्यान रविनाला अटक करण्यात आली. सुरेश मात्र पसार आहे. पोलीस त्याचा शोध घेत आहेत. इंडिया टुडेच्या रिपोर्टनुसार, रविना एक सोशल मीडिया इन्फ्लुएंसर आहे. ती सोशल मीडियावर Reels आणि व्हिडिओ बनवते. तिच्या व्हिडिओमुळे तिची लोकप्रियता वाढली होती. याच दरम्यान तिची ओळख सुरेशसोबत झाली. दोघांमध्ये प्रेमसंबंध निर्माण झाले. या प्रेमसंबंधात आड आल्यानेच रविनाने नवऱ्याला मारण्याचा कट रचला.पोलिसांनी दिलेल्या माहितीनुसार, रविना आणि सुरेशने खुनाची योजना आखली होती. त्यानुसार, सुरेश 25 मार्चला रविनाच्या घरी आला. दोघांनी मिळून प्रवीणला मारले आणि त्याचा मृतदेह नाल्यात फेकून दिला. पोलिसांनी रविनाला अटक केली असून सुरेशचा शोध सुरू आहे. या घटनेमुळे परिसरात खळबळ उडाली आहे.