भयंकर! भारतातून आहात, हिंदू आहात…; दुबईत पाकिस्तानी कामगाराने दोन भारतीयांना संपवलं.

दुबईमध्ये एका पाकिस्तानी व्यक्तीने दोन भारतीय कामगारांची हत्या केली आहे. ही धक्कादायक घटना 11 एप्रिल रोजी घडली. दुबईतील मॉडर्न बेकरी एलएलसीमध्ये काम करणाऱ्या भारतीयांवर त्याने हल्ला केला.दुबईमध्ये एका पाकिस्तानी व्यक्तीने दोन भारतीय कामगारांची हत्या केली आहे. ही धक्कादायक घटना 11 एप्रिल रोजी घडली. दुबईतील मॉडर्न बेकरी एलएलसीमध्ये काम करत असताना एका पाकिस्तानी नागरिकाने अष्टापु प्रेम सागर आणि श्रीनिवास यांच्यावर हल्ला केला. या हल्ल्यात दोघांचाही मृत्यू झाला.मिळालेल्या माहितीनुसार, हल्ला करणारा पाकिस्तानी नागरिक दोघांना मारताना धार्मिक घोषणा देत होता. त्याने ‘पाकिस्तान जिंदाबाद’ अशा घोषणा दिल्या. या घटनेमुळे परिसरात भीतीचे वातावरण पसरले आहे. तेलंगणातील दोन्ही मृतांच्या कुटुंबीयांना या घटनेमुळे मोठा धक्का बसला आहे.या दोघांचाही मृतदेह भारतात पाठवला जाणार आहे. भारतीय दूतावासाच्या माध्यमातून दुबई पोलिसांना या प्रकरणाची प्रक्रिया लवकर पूर्ण करण्याची विनंती करण्यात आली आहे. अष्टापु प्रेम सागर हे निर्मल जिल्ह्यातील होते, तर श्रीनिवास हे निजामाबाद जिल्ह्यातील रहिवासी होते.या हत्याकांडामागील कारण आता समोर आले आहे. प्रेम सागर आणि श्रीनिवास हे भारतीय आणि हिंदू असल्यामुळे त्यांची हत्या करण्यात आली, असा आरोप त्यांच्या कुटुंबीयांनी केला आहे. तेलंगणातील हे तरुण दुबईमध्ये काम करत होते. कामाच्या ठिकाणी झालेल्या वादातून त्यांच्या सहकाऱ्यानेच त्यांची हत्या केली.

या हल्ल्यात आणखी दोघे जण जखमी झाले आहेत. कामाचा ताण आणि धार्मिक तेढ यांमुळे हा हल्ला झाला, असे बोलले जात आहे. प्रेमसागर हे सोआन गावचे रहिवासी होते. ते कुटुंबाचा आधार होते.प्रेमसागर लवकरच आपल्या गावी परत येणार होते. त्यांना आपले वृद्ध आई-वडील आणि लहान मुलीला भेटण्याची खूप इच्छा होती. पण त्यांची ही इच्छा आता अपूर्णच राहिली आहे. 12 एप्रिल रोजी दुबईतील त्यांच्या नातेवाईकांनी प्रेमसागर यांच्या हत्येची बातमी त्यांच्या कुटुंबीयांना दिली.प्रेमसागर यांच्या कुटुंबीयांनी न्यायची मागणी केली आहे. आरोपी पाकिस्तानी नागरिक असून तो त्याच बेकरीमध्ये काम करत होता. प्रेमसागर यांचे लहान भाऊ संदीप यांनी सांगितले की, “ही हत्या एका क्षुल्लक कारणावरून झालेल्या भांडणामुळे झाली. हे भांडण इतके वाढले की त्यात माझ्या भावाचा जीव गेला. तो भारतातून आला होता आणि हिंदू होता, म्हणून त्याला मारले”, असे संदीप म्हणाले.

“आम्ही न्यायाची मागणी करतो आणि सरकारकडून मदतीची अपेक्षा करतो,” असेही ते म्हणाले.प्रेमसागर सुमारे अडीच वर्षांपूर्वी दुबईला कामासाठी गेले होते. एका नातेवाईकाने त्यांना नोकरी शोधण्यात मदत केली होती. त्यावेळी त्यांची पत्नी प्रमिला गर्भवती होती. त्यांची मोठी मुलगी आता नऊ वर्षांची आहे. संदीपने सांगितले की, “हा हल्ला खूपच हिंसक होता. माझ्या भावाला वारंवार चाकू मारण्यात आले. ज्यांनी हे सर्व पाहिले त्यांनी आम्हाला सांगितले की, माझ्या भावाने हल्लेखोराला सांगितले की त्याला दोन मुली आणि वृद्ध आई-वडील आहेत, पण तो थांबला नाही.”या घटनेमुळे संपूर्ण गावात शोककळा पसरली आहे. प्रत्येकजण प्रेमसागरच्या कुटुंबासाठी न्यायाची मागणी करत आहे. लोकांनी सरकारला या प्रकरणात लक्ष घालून दोषींना शिक्षा देण्याची आणि कुटुंबाला आर्थिक मदत करण्याची मागणी केली आहे. या घटनेमुळे परदेशात काम करणाऱ्या भारतीयांच्या सुरक्षेचा प्रश्न ऐरणीवर आला आहे. सरकारने या प्रकरणी तातडीने लक्ष घालून पीडित कुटुंबाला न्याय मिळवून द्यावा, अशी मागणी जोर धरू लागली आहे.