निलेश घायवळ याला कानफटवणाऱ्याची ओळख पटली, कुस्तीच्या आखाड्यात घुसून मारणारा ‘तो’ नेमका कोण?

पुण्याचा बॉस म्हणून घेणारा कुख्यात गुंड निलेश घायवळ याला कानाखाली मारल्याचा व्हिडीओ व्हायरल झाला. अशातच आता घायवळ याला मारणाऱ्याची ओळख पटली आहे. कोण आहे तो जाणून घ्या.पुण्यातील कायम चर्चेत असलेला कुख्यात गुंड निलेश घायवळ याला धाराशिव जिल्ह्याच्या भूम तालुक्यातील आंदरुड गावच्या यात्रेत कानफाडल्याचा व्हिडीओ समोर आला. या व्हिडीओची सर्वत्र चर्चा होताना पाहायला मिळत आहे. ‘पुण्याचा बॉस’ म्हणून सोशल मीडियावर प्रसिद्ध असलेल्या निलेश घायवळला कुस्तीच्या फडात जाऊन कोणी कानफाडला आणि का? असा प्रश्न निर्माण झाला होता. अशातच आता निलेश घायवळ याला कानफटवणाऱ्याचे नाव समोर आले आहे. कोण आहे तो ज्याने दहशत असणाऱ्या घायवळच्या कानाखाली जाळ काढला. जाणून घ्या.

धाराशिव जिल्ह्यामधील भूम तालुक्यामधील आंदरूड या गावच्या यात्रेचा फड भरला होता. महाराष्ट्रातील वेगवेगळ्या जिल्ह्यांतून पैलवानांनी हजेरी लावली होती. विशेष आकर्षण म्हणजे प्रसद्ध पैलवान थापा याची कुस्ती होती. त्यामुळे तालुक्याच्या अनेक गावांमधील कुस्ती शौकिनांनी गर्दी केली होती. इतक्या गर्दीमध्ये तिथे गुंड निलेश घायवळ याने हजेरी लावली. आयोजकांनी त्याला फडात उतरवलं आणि एक राऊंड तो मारत होता. त्यावेळी हलगीवाल्यांनी चांगला ताल धरला होता. पण तितक्यात गर्दीमधून वाट काढत एक रांगडा गडी आतमध्ये आला. कोणीच विचारही केला नसेल की फोनवर बोलत केल्यासारखं करत आत आलेल्या तरूणाने घायवळ याच्या कानाखाली लगावली.निलेश घायवळ याला मारल्यावर त्याचे समर्थक आक्रमक झाले, त्यांनी कानाखाली मारणाऱ्या तरूणाला माराहाण केली. झटापटीनंतर तो पैलवान पळून गेला आणि फरार झाला. निलेश घायवळ याला कानाखाली मारणाऱ्या तरूणाचे नाव सागर मोहोळकर आहे. सागर मोहोळकर हा अहिल्यानगर जिल्ह्यातील नानज गावचा रहिवासी आहे. तो पेशाने पहिलवान असून शुक्रवारी रात्री तो धाराशिव जिल्ह्याच्या भूम तालुक्यातील आंदरुड गावच्या जत्रेला उपस्थित होता.दरम्यान, सागर मोहोळकर अद्याप फरारच असून त्याच्या ठिकाबद्दलची कोणतीही माहिती समोर आलेली नाही. सागर मोहोळकर हा ठरवूनच त्या ठिकाणी आला होता का? तसं असेल तर त्याने घायवळ त्याच्या मुलांसोबत असताना त्याला मारण्याची डेरिंग का केली असावी? पूर्वनियोजित नव्हतं तर मग कुस्ती आखाड्याच्या ठिकाणी असं काय घडलं की त्याने आखाड्यात येऊन मारलं? असे अनेक प्रश्न आता उपस्थित झाले आहे.