देवदर्शन करुन घरी येताना कुटुंबावर काळाचा घाला, समृद्धी महामार्गावर कारचा चुराडा; पिता-पुत्राचा जागीच मृत्यू.

बुलढाण्यातील कुटुंब देवदर्शन करुन घराकडे परत येताना कारला भीषण अपघात झाला. या अपघातात वडील आणि मुलाचा जागीच मृत्यू झाला, तर इतर चार जण गंभीर जखमी झाले आहेत.देवदर्शन करून घराकडे परत निघालेल्या वाशीम येथील चंदनशिव कुटुंबावर काळाने घाला घातला. समृद्धी महामार्गावर भरधाव कार समोरील ट्रकवर मागून धडकल्याने झालेल्या अपघातात पिता-पुत्र ठार झाले. तर पत्नी, सून, मुलीसह चालक असे चार जण गंभीर जखमी झाले. मेहकर तालुक्यात चॅनेल क्रमांक २६८.६०० जवळ शुक्रवारी पहाटे तीन वाजता ही दुर्घटना घडली. वडील रतन चंदनशिव आणि मुलगा गोपाल चंदनशिव अशी मृतांची नावे आहेत. तर रतन यांची पत्नी अर्चना चंदनशिव, मुलगा पूजा चंदनशिव, सून राणी गोपाल चंदनशिव आणि चालक शिवाजी इडोळे हे गंभीर जखमी झाले असून, त्यांच्यावर छत्रपती संभाजीनगर येथे उपचार सुरू आहेत.वडील रतन चंदनशिव (५५) आणि मुलगा गोपाल चंदनशिव (३५) अशी मृतांची नावे आहेत. तर रतन यांची पत्नी अर्चना चंदनशिव

(६८), मुलगा पूजा रतन चंदनशिव (२९), सून राणी गोपाल चंदनशिव (३१) व चालक शिवाजी इडोळे हे गंभीर जखमी झाले असून, त्यांच्यावर छत्रपती संभाजीनगर येथे उपचार सुरू आहेत.वाशीमचा चंदनशिव परिवार देवदर्शनासाठी गेला होता. गुरुवारी रात्रीच हे कुटुंब वाशीमला परत निघाले होते. मेहकर तालुक्यातून जात असताना समृद्धी महामार्गावर त्यांच्या कारला पहाटे तीन वाजता अपघात झाला. महामार्ग व डोणगाव पोलिसांनी घटनास्थळी पोहोचून जखमींना तत्काळ रुग्णवाहिकेद्वारे संभाजीनगरला हलविले. क्रेनच्या साहाय्याने वाहतूक सुरळीत करण्यात आली.अमरावती-बडनेरा मार्गावर जुन्या वस्तीतील सजनाजीबुवा हनुमान मंदिराजवळ एसटी महामंडळाच्या बसने दुचाकीला जबर धडक दिली.

यात सात वर्षांच्या बालकाचा मागील चाकात येऊन जागीच मृत्यू झाला, तर आई जखमी झाली. हा अपघात शुक्रवारी दुपारी घडला. रुद्र मंगेश घिडाणी (७) रा. बडनेरा असे मृत बालकाचे नाव आहे.तो अमरावती-बडनेरा मार्गावरील एका शाळेत पहिल्या वर्गामध्ये शिकत होता. नेहमीप्रमाणे त्याच्या आईने त्याला शाळेत सोडून देण्यासाठी दुचाकीवर घेतले. मार्गातील सजनाजी बुवा हनुमान मंदिराजवळ अचानक बसने दुचाकीला जबर धडक दिली. चालक दिगंबर मंगल कनाके (४१) रा. शेखबराज (जि. चंद्रपूर) याला बडनेरा पोलिसांनी ताब्यात घेतले आहे.