चला येतो लवकरच; निरोप घेऊन वैद्य कुटुंब निघालं ते कायमचंच, अपघातात चौघंही ठार, गावाच्या डोळ्याची धार थांबेना.

रामनवमीच्या उत्सवात सहभागी झालेले वैद्य कुटुंब आनंदात घराकडे परत निघाले होते. परत निघताना संपूर्ण कुटुंबाला काहीच दिवसांत परत येणार असल्याचेही त्यांनी सांगितले होते.वर्धा-समुद्रपूर मार्गावरून जात असताना अचानक रानडुक्कर आडवे आल्याने कार टँकरवर धडकली. या भीषण अपघातात पोलिस कर्मचाऱ्यांसह त्यांची पत्नी, मुलगा, मुलगी अशा चौघांचा मृत्यू झाला. सोमवारी रात्रीच्या सुमारास तरोडा शिवारात ही घटना घडली.

समुद्रपूर तालुक्यातील मांडगाव येथील प्रशांत वैद्य हे पोलिस कर्मचारी म्हणून वडनेरच्या ठाण्यात कार्यरत होते. रामनवमी असल्याने कुटुंबासह मांडगावला आले होते. सोमवारी रात्री गावावरून कारने परत वर्ध्याला निघाले. तरोडा गावाजवळील साखरा फाट्यावर अचानक कारसमोर रानडुक्कर आल्याने त्यांचे गाडीवरील नियंत्रण सुटले.कार समोरून येणाऱ्या डिझेलच्या टँकरवर धडकली. या अपघातात प्रशांत यांच्यासह पत्नी प्रियंका, मुलगा प्रियांश, मुलगी मनस्वी असे चौघेही गंभीर जखमी झाले. त्यांना तातडीने हिंगणघाटच्या उपजिल्हा रुग्णालयात दाखल करण्यात आले.

रामनवमीच्या उत्सवात सहभागी झालेले वैद्य कुटुंब आनंदात घराकडे परत निघाले होते. परत निघताना संपूर्ण कुटुंबाला काहीच दिवसांत परत येणार असल्याचेही त्यांनी सांगितले होते. पण, रानडुक्कर आडवा आला आणि क्षणात अवघे कुटुंबच संपले. काही वेळापूर्वी आनंद ओसंडून वाहणाऱ्या घरात दुःख पसरले. कुटुंबीयांनी आक्रोश केला. त्यांच्या आक्रोशाने अवघा गाव हळहळला.दुसरीकडे, भरधाव ट्रकने दुचाकीला धडक दिल्याने वडिलांचा जागीच मृत्यू तर मुलगी व भाची गंभीर जखमी झाल्या आहेत. दोघींवर यवतमाळ येथील वसंतराव नाईक शासकीय वैद्यकीय महाविद्यालयाच्या रुग्णालयात उपचार सुरू आहेत. ही घटना मंगळवारी दुपारी मोरगाव वन ते पांढरकवडा मार्गावर घडली.रामदास जलपत धुर्वे (५०) रा. सायखेडा असे मृताचे नाव आहे. तर तृप्ती रामदास धुर्वे (२४) व वैष्णवी विलास पेंदोर (२३) रा. कारेगाव (झरी) असे भाचीचे नाव आहे. रामदास हे सायखेडा येथे राहत होते. घरी काही कार्यक्रम असल्याने त्यांच्या बहिणीची मुलगी वैष्णवी पाहुणी म्हणून आली होती.