बांगलादेशमधील लोकांनी बाटा शोरूमध्ये घुसून पूर्ण दुकान लुटलं, अगदी टेबल, खुर्च्या, लाईट्स, एवढंच काय तर दुकानाच्या पाटीमधील बल्ब सुद्धा सोडले नाहीत. हा व्हिडीओ पाहून तुम्हीच सांगा अशा लोकांना कुठली शिक्षा केली पाहिजे?काही दिवसांपूर्वी पाकिस्तानमध्ये लोकांनी मिळून शॉपिंग मॉल लुटल्याचे व्हिडीओ समोर आले होते. त्यावेळी पाकिस्तानी लोकांची जगभरात खिल्ली उडवली गेली. अन् आता असाच काहीसा प्रकार बांगलादेशमध्ये घडला आहे. तेथील लोकांनी केएफसी चिकन आणि बाटाचे शोरूम लुटले. या घटनेचा व्हिडीओ सध्या चांगलाच व्हायरल होत आहे. लोकं अक्षरश: शोरूममध्ये शिरून हजारो रुपयांचे शूज, चपला आणि सोबतच टेबल आणि खूर्च्या देखील पळवून नेताना दिसत आहेत. बरं, तसाच प्रकार KFC स्टोअर्समध्ये घडलाय.

लोकं KFC नावामधील LED लाईट्ससुद्धा काढून घेताहेत. हा व्हिडीओ पाहून तुमचंही डोकं चक्रावून गेल्याशिवाय राहणार नाही.मीडिया रिपोर्टनुसार बांगलादेशमध्ये सध्या अमेरिकेविरोधात आंदोलन सुरू आहे. अन् या आंदोलनाचं प्रतिक म्हणून तेथील लोकांनी KFC आणि बाटा सारख्या आंतरराष्ट्रीय कंपन्यांचे शोरूम तोडून टाकले. इस्रायल आणि पॅलेस्टाईनमध्ये गाझा पट्टीवरून वाद सुरू आहेत. या वादात बांगलादेशी लोकं पॅलेस्टाईनच्या बाजूनं असल्याचं म्हटलं जातेय. या पार्श्वभूमीवर इस्रायलचा विरोध करण्यासाठी बांगलादेशमधील लोकांनी ही तोडफोड केल्याची चर्चा आहे. असो, या लुटमारीचे व्हिडीओ सोशल मीडियावर व्हायरल होत असून नेटकरी त्यावर चिंता व्यक्त करताना दिसत आहेत.हा व्हिडीओ @arunpudur या ट्विटर हँडलवरून शेअर करण्यात आला आहे. या व्हिडीओमध्ये तुम्ही शोरूम फोडून लोकांनी सुरू केलेली लुटमार पाहू शकता. बाटाच्या शोरूममधील सर्व वस्तू लोकं पळवून नेताहेत. तीच गोष्ट KFC स्टोअरमध्ये सुरू आहे. किचनमधील सर्व सामान लोकं पळवताहेत. अगदी खुर्च्या आणि टेबलं सुद्धा सोडली नाहीत. अशी लुटमार जर केली गेली तर आंतरराष्ट्रीय कंपन्या बांगलादेशमध्ये येणार कशा? असा सवाल नेटकरी हा व्हिडीओ पाहिल्यानंतर करत आहेत.