वडिलांची बॉडी २ वर्षे कपाटात लपवली; कारण ऐकून पोलिसांना धक्का; लेकाला अश्रू अनावर.

करोना काळात अनेकांचा जीव गेला. महामारीत अनेकांनी त्यांचे आप्त गमावले. काहींच्या नशिबी तर अंत्यसंस्कारही नव्हते. अंत्यसंस्कार प्रत्येक व्यक्तीचा अधिकार आहे.टोकियो: करोना काळात अनेकांचा जीव गेला. महामारीत अनेकांनी त्यांचे आप्त गमावले. काहींच्या नशिबी तर अंत्यसंस्कारही नव्हते. अंत्यसंस्कार प्रत्येक व्यक्तीचा अधिकार आहे. असं म्हणतात, अंत्यसंस्काराशिवाय एखाद्या व्यक्तीला मुक्ती मिळत नाही. माणुसकीच्या नात्यानं अनोळखी व्यक्तींवरही अंत्यसंस्कार केले जातात. पण जपानमधील एका व्यक्तीची कहाणी यापेक्षा वेगळी आहे. त्यानं वडिलांचा मृतदेह तब्बल २ वर्षे घरातील कपाटात लपवून ठेवला. कारण त्याच्याकडे वडिलांच्या मृतदेहावर अंत्यसंस्कार करण्यासाठी पैसे नव्हते. पोलिसांनी त्याला अटक केली आहे.५६ वर्षांच्या नोबुहिको सुझुकी टोकियोत एक चिनी रेस्टॉरंट चालवत होते. आठवड्यापासून त्यांनी रेस्टॉरंट उघडलं नाही.

त्यामुळे आसपासच्या लोकांना चिंता वाटू लागली. कोणीतरी याची माहिती पोलिसांना दिली. पोलीस अधिकारी सुजुकी यांच्या घरी पोहोचले. तेव्हा त्यांच्या पायाखालची जमीन सरकली. घरातील एका कपाटात सुजुकी यांच्या वडिलांच्या हाडांचा सापळा होता. पोलिसांनी सुजुकी यांची चौकशी केली. त्यातून धक्कादायक उलगडा झाला. सुजुकी यांच्या वडिलांचा मृत्यू जानेवारी २०२३ मध्ये वयाच्या ८६ व्या वर्षी झाला होता.अंत्यसंस्कारासाठी पैसे नसल्यानं वडिलांचा मृतदेह कपाटात ठेवल्याचं सुजुकीनं पोलिसांना सांगितलं. ‘जानेवारी २०२३ मध्ये वडिलांचा मृत्यू झाला. मी कामावरुन घरी आलो, तेव्हा ते मृतावस्थेत होते. वडिलांचा मृत्यू नेमका कसा झाला, ते मलाही माहीत नाहीत. पण माझ्याकडे अंत्यसंस्कारासाठी पैस नव्हते. त्यामुळे मला वडिलांचा मृतदेह लपवून ठेवण्याचा दु:खद आणिया घटनेमुळे जपानमध्ये अंत्यसंस्कारांवर होणारा भलामोठा खर्च आणि समाजातील वाढती एकटेपणाची समस्या अधोरेखित झाली आहे. जपानमध्ये अंत्यसंस्कारावर खूप खर्च येतो. त्यामुळे अनेकांना अंत्यसंस्कार म्हणजे ओझं वाटतं. जपानी समाजात अंत्यसंस्कारावर साधारणत: १.३ मिलियन येन म्हणजेच जवळपास साडे सात लाख रुपयांचा खर्च येतो. इतका खर्च करण्याची अनेकांची ऐपत नाही.ही घटना समोर येताच सोशल मीडियावर विविध प्रकारच्या प्रतिक्रिया समोर आल्या. काही जणांनी सुजुकी यांच्यावर टिकेची झोड उठवली. तर काहींनी त्यांच्या असहातबेद्दल सहानुभूती व्यक्त करत स्वत:चे अनुभव शेअर केले. काहींनी सुजुकी यांच्यावर सडकून टीका करत निवृत्ती वेतनासाठी सुजुकी यांनी वडिलांचा मृतदेह लपवून ठेवल्याची प्रतिक्रिया सोशल मीडियावर लिहिली. तर दुसऱ्या व्यक्तीनं सुजुकी यांची असहाय अवस्थेकडे लक्ष वेधत स्वत:चा अनुभव कथन केला. माझे वडील निवर्तले, तेव्हा त्यांच्या अंत्यसंस्काराला २ मिलियन येन म्हणजेच ११ लाख रुपये खर्च आला होता, अशा शब्दांत त्यानं सुजुकी यांची परिस्थिती समजू शकत असल्याचं नमूद केलं.