थांब तुला उकळत्या पाण्यात टाकतो, १४ वर्षांच्या शेजाऱ्याची मस्ती जीवावर बेतली.

आराध्या रोहित पंचाळ या चार वर्षाच्या मुलीच्या आईने बटाट्याचे वेफर्स तयार करण्यासाठी पाणी उकळायला घातले होते. हे पाणी उकळल्यानंतर गॅसवरून काढून खाली ठेवले होते.लहान मुलं त्यांच्यापेक्षा लहान मुलांना भीती दाखवतात, त्यांची गंमत करायला जातात, पण कधी कधी गंमत एखाद्याच्या जीवावर बेतू शकते. पुणे जिल्ह्यातील हवेली तालुक्यात कदमवाक वस्तीमध्ये असाच एक दुर्दैवी प्रकार घडला. १४ वर्षाच्या मुलाने चार वर्षांच्या मुलीला उकळत्या पाण्यात टाकण्याची भीती घातली. दैवदुर्विलास म्हणजे ती मुलगी खरोखरच त्याच्या हातातून निसटून उकळत्या पाण्याच्या टाकीत पडली.हा प्रकार उघडकीस आला तोच मुलगी शुद्धीवर आल्यानंतर. कदमवाक वस्ती येथील कवडी माळवाडी परिसरात २३ मार्च रोजी घटना घडली. दुपारी सव्वादोन वाजताच्या सुमारास आराध्या रोहित पंचाळ या चार वर्षाच्या मुलीच्या आईने बटाट्याचे वेफर्स तयार करण्यासाठी पाणी उकळायला घातले होते.

हे पाणी उकळल्यानंतर गॅसवरून काढून खाली ठेवले होते.त्याच वेळी शेजारचा १४ वर्षाचा मुलगा तिच्याशी खेळत होता. त्याने तिला उचलले आणि थांब तुला उकळत्या पाण्यात टाकतो अशी भीती घातली आणि त्याचवेळी खरोखरच आराध्या त्याच्या हातून निसटली आणि थेट उकळत्या पाण्याच्या टाकीत पडली.पाण्याच्या टाकीत पडताच तिने जोरात आरडाओरडा केला. तेवढ्यात तिची आई तिथे आली. त्यांनी तातडीने आराध्याला बाहेर काढून दवाखान्यात दाखल केले दोन दिवस ती बेशुद्ध झाली होती. शुद्धीवर आल्यानंतर तिने हा प्रकार सांगितला.

आराध्याचे वडील हे इलेक्ट्रिकचा व्यवसाय करतात. रोहित पांचाळ यांनी आराध्याकडून माहिती घेताच लोणी काळभोरचे पोलीस ठाणे गाठले आणि तिथे पोलिसांना सगळी माहिती सांगितली.दुसरीकडे, घरात खेळण्यासाठी साडीचा झोपाळा बांधत असताना अचानक फास लागून एका १२ वर्षांच्या मुलाचा मृत्यू झाला. वळसे (ता. सातारा) येथे मंगळवारी (दि. १ एप्रिल) दुपारी बारा वाजता ही दुर्दैवी घटना घडली. विश्वजित प्रमोद चव्हाण (वय १२) असे गळफास लागून मृत्यू झालेल्या मुलाचे नाव आहे. दुपारी आई-बाबा घरी नसताना विश्वजितने झोपाळा बांधण्यासाठी आईची साडी घेतली. कॉटवर उभा राहून छताच्या अँगलला साडी बांधली. साडीची लांबी जास्त असल्यामुळे साडी त्याच्या गळ्याभोवती गुंडाळली गेली. कॉटवरून त्याचा पाय निसटल्याने त्याच्या गळ्याला फास लागला. आई घरी परतल्यावर ही घटना समोर आली.