स्वयंपाक का केला नाही म्हणत पतीने केली पत्नीला मारहाण, पुढे जे घडले ते अत्यंत धक्कादायक, हनवटी खालीच…

छत्रपती संभाजीनगर येथे पतीने पत्नीवर स्वयंपाक न केल्याच्या कारणावरून चाकू हल्ला केला. या घटनेत आरोपी पतीवर गुन्हा दाखल करण्यात आला आहे. तसेच, दुसऱ्या घटनेत तरुणावर हल्ला करुन त्याच्या आईलाही मारहाण करण्यात आली. महिलांवरील अत्याचाराच्या घटनांमध्ये वाढ झाल्याचे दिसून येते. एक अतिशय धक्कादायक अशी घटना पुढे आलीये. चक्क स्वयंपाक का केला नाही असे म्हणत पतीने पत्नीवर चाकू हल्ला केला आणि तिला ठार मारण्याचा धमकी दिली. हा प्रकार तीन मार्च रोजी रात्री १० वाजेच्या सुमारास जटवाडा रोडवरील होनाजीनगरात घडला. भारत मुंजा धोतरे (रा. होनाजीनगर, जटवाडा रोड) असे चाकू हल्ला करणाऱ्या आरोपी पतीचे नाव असून त्याच्या विरोधात बेगमपुरा पोलिस ठाण्यात गुन्हा दाखल करण्यात आला आहे.या प्रकरणात उषा भारत धोतरे (वय ३५, रा. होनाजीनगर) यांनी फिर्याद दिली. त्यानूसार, फिर्यादी या तीन मुले व एका मुलीसह राहत असून मजुरी काम करुन आपल्या कुटूंबाचा उदरनिर्वाह करते.

३ एप्रिल रोजी रात्री १० वाजेच्या सुमारास फिर्यादी या घरात स्वयंपाक करत होत्या. त्यावेळी आरोपी पती भारत हा मद्यप्राशन करुन आला व तु स्वयंपाक का केला नाही असे म्हणत शिवीगाळ करुन हाताचापटाने मारहाण केली.भाजी कापायचा चाकूने फिर्यादीच्या हनवटी खाली वार करुन गंभीर जखमी केले, तसेच जीवे ठार मारण्याचा धमकी देत दिल्याचे तक्रारीत नमूद केले. या प्रकरणात बेगमपुरा पोलिस ठाण्यात गुन्हा दाखल करण्यात आला असून पुढील तपास हवालदर गोरखनाथ पवार हे तपास करीत आहेत.

या घटनेने मोठी खळबळ निर्माण झाली. मागील काही दिवसांपासून महिलांवरील अत्याचाराच्या घटनेत मोठी वाढ झाल्याचे बघायला मिळतंय.छत्रपती संभाजीनगरमध्येच दुसरीकडे तरुणावर चाकू हल्ला करुन, त्याच्या आईलाही मारहाण करण्यात आली. ही घटना बुधवारी रात्री हर्सूल परिसरातील यासिननगरात घडली. याप्रकरणी अलीविरोधात गुन्हा दाखल झाला. आयाज अहेमद गुलाममुर्तुजा पटेल यांनी फिर्याद दिली. आरोपीने फिर्यादीचा मुलगा अबुबकरवर हल्ला केला. फिर्यादीची पत्नीमध्ये आली असता अलीने त्यांना देखील मारहाण केल्याचे तक्रारीत नमूद केले आहे.