ताजमहालमुळे ASI मालामाल; ५ वर्षांत तिकीटविक्रीतून सर्वाधिक कमाई, जाणून घ्या दुसऱ्या क्रमांकावर कोण.

 भारतीय पुरातत्त्व विभागाने संरक्षित केलेल्या वास्तूंपैकी ताजमहालने पाच वर्षांत तिकीटविक्रीतून सर्वाधिक महसूल दिला आहे.मुघलकालीन स्थापत्यकलेचे उत्तम उदाहरण असलेल्या ताजमहालकडे देश-विदेशातील पर्यटकांचा कायमच ओढा असतो. देशभरातील वारसास्थळांचा विचार केला, तर ताजमहाल हा पर्यटकांच्या सर्वाधिक पसंतीचा ठरला आहे.भारतीय पुरातत्त्व विभागाने संरक्षित केलेल्या वास्तूंपैकी ताजमहालने पाच वर्षांत तिकीटविक्रीतून सर्वाधिक महसूल दिला आहे. या कालावधीत एकूण २९७कोटी रुपयांचा महसूल जमा झाला, अशी माहिती केंद्रीय सांस्कृतिकमंत्री गजेंद्रसिंह शेखावत यांनी राज्यसभेत लेखी उत्तरात दिली.भारतीय पुरातत्त्व विभागाला (एएसआय) गेल्या पाच वर्षांत विविध वारसास्थळांच्या प्रवेश तिकीटविक्रीतून किती रुपयांचा महसूल प्राप्त झाला.

वर्षानुसार आणि स्थळांनुसार त्याचा तपशील द्यावा आणि या कालावधीत सर्वाधिक महसूल कोणत्या वारसास्थळाला मिळाला, असा प्रश्न राज्यसभेत विचारण्यात आला. याच्या उत्तरादाखल मंत्र्यांनी सन २०१९-२० ते २०२३-२४ या पाच आर्थिक वर्षातील तपशील दिला.■ गेल्या पाच वर्षांचा विचार केल्यास, ताजमहालने तिकीटविक्रीतून सर्वाधिक महसूल मिळवला■आर्थिक वर्ष २०१९-२० मध्ये आरयाचा किल्ला आणि कुतुबमिनार अनुक्रमे दुसऱ्या आणि तिसऱ्या स्थानी

■ २०२०-२०२१मध्ये तमिळनाडूमधील महाबलिपुरम दुसऱ्या आणि कोणार्क येथील सूर्यमंदिर तिसऱ्या क्रमांकावर होते
■ आर्थिक वर्ष २०२३-२४मध्ये कुतुबमिनार दुसऱ्या आणि लाल किल्ला तिसऱ्या स्थानी होता.आर्थिक वर्ष २३-२४मध्ये महसुलात ताजमहालनंतर कुतुबमिनारचा क्रमांक. २३.८०,१६,९८३ रुपयाचा महसूल जमा झाला.
तिसऱ्या क्रमांकावर दिल्लीतील लाल किल्ला आहे. येथून १८,०८,९०,८२५ रुपयांचा महसूल जमा झाला.