पावसाचे थैमान सुरूच, हवामान खात्याकडून मोठा इशारा, आज…

 राज्यात हवामानात मोठा बदल होत आहे. मराठवाडा, मध्य महाराष्ट्र आणि कोकणात अवकाळी पावसाचे सत्र सुरू आहे. गारपिटीमुळे पिकांचे मोठे नुकसान झाले आहे. हवामान खात्याकडून आजही येलो अलर्ट हा जारी करण्यात आलाय. मराठवाड्याला या अवकाळी पावसाचा फटका बसताना दिसतोय. हवामानात मोठा बदल होताना दिसतोय. सातत्याने राज्यातील अनेक ठिकाणी अवकाळीच्या सरी बरसताना दिसत आहेत. मराठवाडा, मध्य महाराष्ट्र आणि कोकणातील काही भागांमध्ये अवकाळी पाऊस झालाय. मराठवाड्यामध्ये तर अवकाळीचा मोठा फटका बसल्याचे बघायला मिळतंय. अवकाळी पावसामुळे पिकांचे मोठे नुकसान झालंय. छत्रपती संभाजीनगर जिल्हात देखील वाऱ्यासह पावसाने हजेरी लावली. होळीनंतर पारा वाढणार असल्याचे चित्र असताना दुसरीकडे जोरदार पाऊस होताना दिसतोय.गुरुवारी अनेक भागांमध्ये विजांच्या कडकडाटासह पावसाने हजेरी लावली. नाशिकमध्येही पाऊस झाला असून फळ बागांचे मोठे नुकसान झालंय.

कालच हवामान खात्याकडून अनेक भागांमध्ये पावसाचा येलो आणि ऑरेंज अलर्ट हा देण्यात आला होता. आजही हवामान खात्याकडून अलर्ट देण्यात आलाय. राज्यावरील अवकाळीचे ढग काही जाताना दिसत नाहीयेत. सध्या पावसासाठी पोषक वातवरण निर्माण झालंय.मध्य महाराष्ट्र, कोकण आणि मराठवाड्यात आजही हवामान खात्याकडून जारी करण्यात आलाय. आज देखील वाऱ्यासह आणि विजांच्या कडकडाटासह पाऊस होईल. यासोबतच काही भागांमध्ये गारपिटीचा देखील इशारा देण्यात आलाय. सध्या चक्राकर वारे वाहत आहे. यामुळे कमी दाबाचा पट्टा निर्माण होत आहे. अरबी समुद्र आणि बंगालच्या उपसागरातील बाष्प वाऱ्यामुळे संगम होत आहे.

मुंबईतही सकाळपासूनच ढगाळ वातावरण असल्याचे बघायला मिळतंय.आजही अनेक भागांमध्ये अवकाळीचा फटका बसणार असल्याचे चित्र आहे. गारपिटीमुळे पिकांचे मोठे नुकसान होताना दिसतंय. काल ब्रह्यपुरीत सर्वाधिक तापमानाची नोंद झालीये. ३८.८ अंश सेल्सिअस तापमान होते. चंद्रपूर, धुळे, मालेगाव आणि सोलापूरमध्ये ३८ अंश सेल्सिअस तापमानाची नोंद झाली आहे. अवकाळी पाऊस जरी पडत असेल तरीही ढगाळ वातावरणामुळे उकाडा वाढल्याचे बघायला मिळतंय. पुण्यातही ढगाळ वातावरण असण्याचा अंदाज आहे. नाशिकमध्ये काल मोठ्या प्रमाणात गारपिट झाली. होळीच्या अगोदर उष्णतेच्या लाटेचा हवामान खात्याकडून दोनदा इशारा देण्यात आला होता.