मित्राला वाचवायला जीवाची बाजी लावली, आयुष्याची साथ तिथेच सुटली, शेततळ्यात बुडून दोन मित्रांचा मृत्यू.

पाण्यात बुडत असलेल्या आपल्या मित्राला वाचवण्यासाठी दुसरा तरुणही पाण्यात उतरला. परंतु, तळ्याच्या खोलीचा अंदाज न आल्याने यावेळी दोघांचा पाण्यात बुडून मृत्यू झाला. ही दुर्दैवी घटना गंगापूर सरंजपूर शिवारातील शेततळ्यात उघडकीस आली. या घटनेमुळे गावात शोककळा पसरली आहे.विद्युत मोटर बाहेर काढण्यासाठी एक तरुण शेततळ्यात उतरला. शेवाळं असल्याने पाय घसरुन तो तरुण पाण्यात बुडाला. पाण्यात बुडत असलेल्या आपल्या मित्राला वाचवण्यासाठी दुसरा तरुणही पाण्यात उतरला. परंतु, तळ्याच्या खोलीचा अंदाज न आल्याने यावेळी दोघांचा पाण्यात बुडून मृत्यू झाला. ही दुर्दैवी घटना गंगापूर(Gangapur) सरंजपूर शिवारातील शेततळ्यात उघडकीस आली. या घटनेमुळे गावात शोककळा पसरली आहे.धनंजय अण्णासाहेब सोनवणे (वय २४, राहणार मालुजा खुर्द तालुका गंगापूर)व रोहित रमेश भांगे (वय २२ राहणार खडका फाटा जळका तालुका नेवासा) अशी मृतांची नाव आहे. या प्रकरणी पोलिसांनी दिलेल्या माहितीनुसार, गंगापूर तालुक्यातील मालुंजा खुर्द येथील अण्णासाहेब सोनवणे यांचे सरंजपूर परिसरात शेततळे आहे.

शेततळ्यापासून(Farm Pond) काही अंतरावर धनंजय याचे कुटुंबीय वास्तव्य करते. रोहित हा नेवासा येथील रहिवासी आहे. त्याच्या आईचे निधन झालं आहे. तो गेल्या काही दिवसांपासून धनंजय याच्याकडे राहायला आला होता.दरम्यान, शेततळ्यात टाकलेल्या मोटर मधून पाणी येत नसल्यामुळे धनंजय सोनवणे(Dhananjay Sonavne) हा रोहितसोबत (Rohit) शेततळ्याजवळ गेला. शेततळ्यात उतरून मोटर(Motor) बाहेर काढत असताना गाळ असल्याने तो पाण्यात बुडू लागला. धनंजयला वाचवण्यासाठी रोहित देखील पाण्यात उतरला. यावेळी धनंजय व रोहित दोघे पाण्यात बुडाले. बराच वेळ झाला तरीही धनंजय घरी न आल्याने धनंजयच्या कुटुंबीयांनी शेततळ्याजवळ धाव घेतली. त्यावेळी दोघेही पाण्यात बुडाण्याचे लक्षात आले. ही बातमी गावात वाऱ्यासारखी पसरली. दोघांचेही मृतदेह पहाताच कुटुंबीयांनी घटनास्थळी टाहो फोडला.नागरिकांच्या मदतीने धनंजय व रोहित यांचे मृतदेह बाहेर काढण्याचे प्रयत्न करण्यात आले. मात्र गाळात रुतल्यामुळे दोघांनाही बाहेर काढणे कठीण जात होते. सरतेशेवटी जेसीबी मागवण्यात आला. अथक प्रयत्नांनंतर जेसीबीच्या सह्याने शेततळे फोडून दोघांना बाहेर काढण्यात आले. तातडीने दोघांना उपजिल्हा रुग्णालात दाखल केले असता डॉक्टरांनी तपासून दोघांनाही मृत घोषित केले. या घटनेमुळे नागरिकांनी हळहळ व्यक्त केली.