दुचाकीला धडक अन् जळगावातील भाजपच्या उपसरपंचाचा हादरवणारा अंत, ग्रामस्थांना मात्र वेगळाच संशय.

जळगावच्या उपसरपंचाला एका वाहनाने धडक दिली आणि त्यात त्यांचा जागीच मृत्यू झाला. मात्र, हा अपघाती मृत्यू नसून त्यांचा घातपात झाल्याचा आरोप त्यांच्या कुटुंबीयांनी केला आहे.चाळीसगाव-धुळे महामार्गावर भोरस शिवारात मंगळवारी १ एप्रिल रोजी रात्री अज्ञात वाहनाने धडक दिल्याने भाजपचे माजी सरपंच व विद्यमान उपसरपंच प्रकाश पाटील यांचा मृत्यू झाला. मात्र, हा अपघात नसून घातपात असल्याचा संशय त्यांच्या नातेवाईकांनी आणि ग्रामस्थांनी व्यक्त केला आहे. या संशयावरून चाळीसगाव ग्रामीण रुग्णालयात मोठा तणाव निर्माण झाला होता.

उपसरपंच प्रकाश पाटील हे आपल्या दुचाकीवरून प्रवास करत असताना एका अज्ञात वाहनाने त्यांना जोरदार धडक दिली. या अपघातात त्यांचा जागीच मृत्यू झाला. अपघातानंतर घटनास्थळी मोठ्या प्रमाणावर ग्रामस्थांची गर्दी झाली होती. नातेवाईकांनी आणि समर्थकांनी हा घातपात असू शकतो, अशी शक्यता वर्तवली आहे. तसेच, पोलिसांनी तातडीने याप्रकरणी तपास करावा, अशी मागणीही त्यांनी केली आहे. या वादामुळे चाळीसगाव ग्रामीण रुग्णालयात वातावरण तणावपूर्ण बनले होते.तणाव वाढू नये म्हणून पोलिसांनी तातडीने कारवाई करत प्रकाश पाटील यांच्या दुचाकीला धडक देणारे वाहन जप्त केले आणि चालकालाही ताब्यात घेतलं आहे. याप्रकरणी स्थानिक गुन्हे शाखा आणि चाळीसगाव पोलीस अधिकाऱ्यांनी घटनास्थळी पाहणी केली असून, वाहन चालकाची कसून चौकशी केली जात आहेउपसरपंच प्रकाश पाटील यांच्या आकस्मिक निधनामुळे गावात एकच शोककळा पसरली आहे. मंगळवारी (१ एप्रिल) रात्री उशिरा त्यांच्या पार्थिवावर शोकाकुल वातावरणात अंतिम संस्कार करण्यात आले. अनेक राजकीय नेते, पदाधिकारी आणि ग्रामस्थांनी त्यांच्या अंत्यसंस्काराला हजेरी लावली होती. त्यांच्या निधनामुळे गावातील राजकीय आणि सामाजिक वर्तुळात मोठी पोकळी निर्माण झाली आहे. तर, त्यांच्या निधनाने त्यांच्या कुटुंबीयांवरही दु:खाचा डोंगर कोसळला आहे.

.