अनैतिक संबंधांचा संशय, पुण्यात २२ वर्षीय तरुणाचा जीव घेतला, ४२ वर्षीय शेजारी पसार.

मयत वैभव आणि आरोपी अंकुश हे शेजारी राहत होते. वैभव याचे अनैतिक संबंध असल्याचा संशय अंकुश याला होता. याच रागातून त्याने वैभवच्या मानेवर कोयत्याने वार केले.अनैतिक संबंधांच्या (Extra Marital Affair) संशयातून पुण्यात एका २२ वर्षीय तरुणाची निर्घृण हत्या करण्यात आली. कोयत्याने वार करून त्याचा जीव घेण्यात आला. मंगळवारी रात्री ७:४५ च्या सुमारास ही धक्कादायक घटना घडल्याचे समोर आले आहे. पुणे जिल्ह्यात (Pune Crime) मावळ तालुक्यातील कान्हे गावातील आंबेवाडी येथील शनि मंदिराजवळ हा प्रकार घडला आहे. या हत्येने संपूर्ण मावळ तालुका हादरला असून परिसरात खळबळ उडाली आहे.वैभव उमेश सातकर (वय २२, रा. आंबेवाडी, कान्हे) असे मृत तरुणाचे नाव आहे. तर अंकुश जयवंत सातकर (वय ४२, रा. आंबेवाडी, कान्हे) याने हत्या केल्याचा आरोप आहे.

याबाबत पोलिसांनी दिलेल्या माहितीनुसार, मयत वैभव आणि आरोपी अंकुश हे शेजारी राहत होते. वैभव याचे अनैतिक संबंध असल्याचा संशय अंकुश याला होता. याच रागातून त्याने वैभवच्या मानेवर कोयत्याने वार केले, यामध्ये वैभवचा जागीच मृत्यू झाला.घटनेची माहिती मिळताच वडगाव मावळ पोलीस ठाण्याचे पोलीस निरीक्षक कुमार कदम, सहाय्यक पोलीस निरीक्षक शितलकुमार डोईजड, पोलीस उपनिरीक्षक ऋतुजा मोहिते आणि पोलीस पथकाने घटनास्थळी धाव घेतली. मृतदेहाचा पंचनामा करून तो शवविच्छेदनासाठी पाठवण्यात आला आहे. या प्रकरणाचा पुढील तपास वडगाव मावळ पोलीस करत आहेत.या घटनेने मावळ तालुक्यात एकच खळबळ उडाली आहे. दिवसेंदिवस गुन्हेगारी वाढतच चालल्याचे पाहायला मिळत आहे. अनेक गुन्हेगारीच्या घटना समोर येत असून या घटना रोखण्याचे पोलिसांसमोर आव्हान असणार आहे.दुसरीकडे, मस्साजोग (जि. बीड) येथील संतोष देशमुख हत्याप्रकरणात चौकशी झालेल्या महिलेच्या खुनाचे गूढ उकलल्याचा दावा केला जात आहे. धाराशिव स्थानिक गुन्हे शाखेच्या पथकाने या प्रकरणी दोन जणांना अटक केली आहे. दरम्यान, देशमुख हत्या प्रकरणाशी याचा संबंध नसल्याचा दावा पोलिस प्रशासन करीत आहे.धाराशिव पोलिसांनी सांगितले, की कळंब शहरातील द्वारकानगरी भागात शुक्रवारी कुजलेला मृतदेह आढळून आला. धाराशिव स्थानिक गुन्हे शाखेचे पथक तपासासाठी आले असता, खुनातील आरोपी येरमाळा ते कळंब रस्त्यावर थांबल्याची माहिती मिळाली. पथकाने छापा मारून राण्या उर्फ रामेश्वर भोसले (वय ३२), उस्मान सय्यद (वय २९, रा. केज. जि. बीड) यांंना ताब्यात घेतले. हत्या केल्याचे, मृतदेहाची विल्हेवाट लावल्याचे त्यांनी सांगितले.