बायको फोन लावतेय, पण उत्तर नाही! पोलिस गाडीत मृतावस्थेत, अनैतिक संबंधातून संपवल्याचा संशय.

गळ्याभोवती व्रण असल्याने प्राथमिक तपासात गळा आवळून हत्या केल्याचा संशय होता. अज्ञात आरोपीच्या विरुद्ध गुन्हा दाखल करण्यात आला आहे.दारू विक्रेत्याने अंढेरा पोलिस ठाण्याच्या शिपायाची हत्या (Buldhana Crime) केल्यानंतर आठवडाभरातच; रविवारी एका पोलिसाचा कारमध्ये संशयास्पद मृतदेह आढळून आला. स्वतःच्याच स्विफ्ट डिझायर कारमध्ये चालक सीटवर गळा आवळून पोलिसाची हत्या (Police Murder) करण्यात आली. ज्ञानेश्वर म्हस्के (४२) असे मृत पोलिसाचे नाव आहे.म्हस्के जालना महामार्ग पोलिस दलात कार्यरत होते. देऊळगाव राजा पोलिसांनी काही संशयितांना ताब्यात घेऊन चौकशी सुरू केली आहे. अनैतिक संबंधातून ही हत्या झाल्याचीही चर्चा रंगली आहे.

बुलढाणा जिल्ह्यातील गिरोली खुर्द येथील रहिवासी असलेले म्हस्के यांची कार (एमएच-२०- डीवाय-३०६३) सकाळी देऊळगाव राजा ते सिंदखेड राजा मार्गावरील आर. जे. इंटरनॅशनल स्कूलच्या समोरील वन विभागाच्या जागेत झाडाखाली उभी असलेली आढळली होती.मृताच्या पत्नीने रात्री वारंवार फोन केले. मात्र कॉल न घेतल्यामुळे त्यांनी सहकारी पोलिस कर्मचाऱ्याला कॉल केला. त्याने ठाणेदार रुपेश शक्करगे यांच्याशी संपर्क केला. त्यांनी मोबाइल लोकेशन घेतले असता ही घटना उघडकीस आली.विशेष म्हणजे कार आतून लॉक असल्यामुळे संशय वाढला होता. सुरुवातीला ही आत्महत्या आहे का, असा संशय व्यक्त केला जात होता. परंतु काही काळाने स्पष्टता आली. ही बातमी वाऱ्यासारखी पसरताच पोलीस दलात एकच खळबळ उडाली. तसेच सर्वसामान्यांमध्येही घबराट पसरली.दरम्यान, गळ्याभोवती व्रण असल्याने प्राथमिक तपासात गळा आवळून हत्या केल्याचा संशय होता. रात्री उशिरा विष्णू म्हस्के (४७) यांच्या फिर्यादीवरून अज्ञात आरोपीच्या विरुद्ध गुन्हा दाखल करण्यात आला आहे. अनैतिक संबंधातून ही हत्या झाल्याचीही चर्चा आहे.उपविभागीय पोलीस अधिकारी मनीषा कदम आणि पोलीस निरीक्षक संतोष महल्ले यांनी घटनास्थळी पाहणी केली आहे. श्वान पथक आणि फॉरेन्सिक तज्ज्ञांनाही तपासणीसाठी बोलवण्यात आलं होतं. याबाबत पोलीस अधिक तपास करत आहेत.