मंत्री जयकुमार गोरेंसंबंधित खंडणी प्रकरणात शिवसेना नेते अडचणीत, आरोपी महिलेसोबत गुन्ह्यात सहभागी झाल्याचा आरोप.

राज्याचे राज्यमंत्री जयकुमार गोरे यांना मागण्यात आलेल्या खंडणी प्रकरणात सामील असलेल्या संबंधित महिलेला सातारा पोलिसांनी सकाळी खंडणीची एक कोटी रुपयांची रक्कम स्वीकारताना रंगेहाथ पकडले. त्यानंतर शिंदे गटाच्या शिवसेनेचे सातारा जिल्हा उपजिल्हाप्रमुख अनिल सुभेदार यांना दहिवडी पोलिसांनी खंडणी प्रकरणी ताब्यात घेतले आहे.राज्याचे ग्रामविकास राज्यमंत्री जयकुमार गोरे यांना मागण्यात आलेल्या खंडणी प्रकरणात सामील असलेल्या संबंधित महिलेला सातारा पोलिसांनी सकाळी खंडणीची एक कोटी रुपयांची रक्कम स्वीकारताना रंगेहाथ पकडले. त्यानंतर शिंदे गटाच्या शिवसेनेचे सातारा जिल्हा उपजिल्हाप्रमुख अनिल सुभेदार यांना दहिवडी पोलिसांनी खंडणी प्रकरणी चौकशीसाठी ताब्यात घेतले आहे. खंडणी प्रकरणात संबंधित महिलेसह अनिल सुभेदार यांचाही सहभाग असल्याचा पोलिसांना संशय आहे. या प्रकरणात दहिवडी पोलिसांकडून तपास सुरू आहे. दहिवडी पोलिसांनी अनिल सुभेदार यांना न्यायालयात हजर केले असता पाच दिवसांची पोलीस कोठडी सुनावण्यात आली आहे. या खंडणी प्रकरणातील ट्विस्ट वाढत चालला असून आणखी बडे मासे या खंडणी प्रकरणात सामील असल्याची खात्रीलायक माहिती आहे.पोलिसांच्या माहितीनुसार, मंत्री जयकुमार गोरे यांना एक महिला त्यांच्यामधील वाद मिटविण्यासाठी ३ कोटी रुपयांची खंडणी तिच्या वकिलामार्फत विराज रतनसिंह शिंदे यांच्याकडे मागत होती. त्याबाबत जयकुमार गोरे यांनी लेखी तक्रार दिली होती.

तक्रारदार विराज रतनसिंह शिंदे हे देखील स्थानिक गुन्हे शाखेत दाखल झाले. १७ मार्चला विराज रतनसिंह शिंदे यांच्याकडे जयकुमार गोरे यांनी दिलेल्या तक्रारीबाबत पोलिसांनी विचारपूस केली.चौकशीतून समोर आले की, राजभवन मुंबई येथे उपोषणाला न बसण्यासाठी महिलेने तिच्या वकिलाच्या मध्यस्थीने गोरे यांच्याकडे ३ कोटी रुपयांची खंडणी मागितली. ती रक्कम न दिल्यास तिने गोरे यांच्याविरुद्ध बलात्काराचा गुन्हा दाखल करून त्यांची बदनामी करून मंत्रीपद घालविण्याची धमकी सुद्धा दिली. तसेच गोरे एकदा अपघातातून बचावले आहेत. आता जिवंत राहणार नाहीत, अशी धमकीही दिल्याचे समोर आले. पोलिसांनी तक्रारीची खात्री करण्यासाठी लाचलुचपत प्रतिबंधक विभागाशी संपर्क करून व्हाईस रेकॉर्डर मागवून घेतले.

ज्यामधिये तक्रारदार महिला ३ कोटी रुपये रोख स्वरूपात दोन टप्प्यात मागत असल्याचे व्हाईस रेकॉर्डमधील संभाषणावरून स्पष्ट झाले.तक्रारदार व जयकुमार गोरे यांनी मागणी होत असलेली खंडणीची रक्कम जास्त व ती रोख स्वरूपात द्यायची असल्यामुळे ती त्यांच्या मित्रांकडून गोळा करण्यासाठी दोन दिवसाचा वेळ मागितला. रतनसिंह शिंदेंनी १ कोटी रुपये रोख स्वरूपात जुळवाजुळव करून स्थानिक गुन्हे शाखा सातारा कार्यालयात आले. त्यानंतर महिलेल्या वकिलांनी त्यांच्याकडे तक्रारदार रोख रक्कम घेऊन येत असल्याचे सांगितले. महिलेने ती रोख रक्कम वकिलाच्या कार्यालयात घेऊन येण्यास सांगितले. महिला वकिलाच्या कार्यालयात आली आणि शासकीय पंचांसमोरच तिला १ कोटीची खंडणी स्वीकारत असताना पोलीस पथकाने रंगेहाथ पकडले. या महिलेविरुद्ध सातारा शहर पोलीस ठाण्यात गु.र.नं. २८७/२०२५ भा. न्या. सं. कलम ६१ ( २ ), ३०८(२)(३)(४)(५)(६), ३५१ (३), ३(५) अन्वये गुन्हा दाखल करण्यात आला आहे. तर अटक देखील करण्यात आली आहे.