आजारपणामुळे परीक्षा देता आली नाही; मानसी घरुन थेट लोहगडावर गेली अन्… पुण्यातील घटनेने हळहळ.

एक तरुणी बेपत्ता असल्याची तक्रार पोलिसांनी मिळाली. खूप शोध घेऊनही तिचा पत्ता लागला नाही. पोलिसांनी लोकेशन शोधलं तेव्हा ती लोहगडावर गेल्याचं आढळलं. पण, ती परत येताना दिसली नाही. लोहगडाच्या पायथ्याशी असलेल्या एका झुडुपात बेपत्ता झालेल्या तरुणीचा मृतदेह आढळून आल्याने एकट खळबळ माजली आहे. तिने नैराश्यातून गडावरून उडी घेत आपली जीवन यात्री संपवल्याचं आता समोर आले आहे. गेल्या वर्षी तिचं अपेन्डीक्सचं ऑपरेशन झालं होतं. तसेच, आजारपणामुळे तनला एल. एल. बी. मधील तिसऱ्या वर्षाची परीक्षा देखील देता आली नव्हती, या कारणांवरून तिने हे टोकाचं पाऊल उचलल्याचं समोर आले आहे.

मानसी प्रशांत गोविंदपुरकर (वय २१ वर्षे, रा. लातूर) असं तिचं नाव असून याबाबत तिचे मामा अगस्ती पुरुषोत्तम गोवर्धन (वय ४८ वर्षे, व्यवसाय नोकरी, रा. ४०३ रसाळ हाईटस्, सहयाद्री कॉलनी, पिंपळे गुरव) यांनी याबाबत फिर्याद दिली होती.याबाबत पोलिसांनी दिलेल्या अधित माहितीनुसार, १८ मार्च रोजी मानसी ही घरातून कॉलेजला जाते असे सांगून निघून गेली होती. मात्र, दिवस मावळला तरी ती घरी आली नाही. काळजी पोटी तिच्या घराच्यांनी तिला फोन केला मात्र तिचा फोन बंद येत होता. त्यानंतर नातेवाईकांनी मानसी बेपत्ता असल्याची तक्रार सांगवी पोलिसांत दिली.यादरम्यान, पोलिसांनी तिच्या मैत्रिणींकडे देखील विचारना केली. मात्र, तिच्याबद्दल काहीही माहिती मिळाली नाही. पोलिसांनी अखेर मोबाईलचे तांत्रिक लोकेशन काढले. त्यावरून तिचे शेवटीचे लोकेशन हे लोहगडावर असल्याचं दिसून आलं. त्यानंतर पोलिसांनी तिथेल सिसिटीव्ही चेक केल्यानंतर ती लोहगडावर दिसून आळी. ती जाताना तर दिसली, मात्र परत येताना काही दिसली नाही. त्यानंतर लोणावळ्यातील शिवदुर्ग रेस्कु टीमने पोलिसांच्या मदतीने तिचा शोध सुरू केला.काही तास शोधल्यानंतर मानसीचा मृतदेह लोहगाडाच्या पायाथ्याशी असलेल्या एका झाडीत आढळून आला. त्यानंतर लोणावळा ग्रामीण पोलिसांकडे तो सुपूर्द करण्यात आला. मागील वर्षी तीचे अपेन्डीक्सचे ऑपरेशन झाले होते. त्यामुळे तिला एल एल बीच्या तिसऱ्या वर्षाची परिक्षा देता आली नव्हती. याच नैराश्यतून तिने आत्महत्या केल्याचे समोर आले आहे.