आजारी पत्नी, पोरं सोडून गुरुदास कायमचे निघून गेले, पुण्यातील आगीत लोकरे कुटुंबाने आधार गमावला.

पुण्यातील हिंजवडी येथे एका मिनी बसला आग लागून भीषण दुर्घटना घडली होती. यामध्ये गुरुदास लोकरे या व्यक्तीचं निधन झालं. या घटनेने त्यांचं कुटुंब मोठ्या आर्थित संकटात पडलं आहे.पुण्याच्या हिंजवडी येथील मिनी ट्रॅव्हल्समध्ये घडलेल्या आगीच्या घटनेत चार जणांचा होरपळून मृत्यू झाला आहे. बस चालकाच्या पायाच्या खालच्या बाजुला आग लागली आणि मग काहीच वेळात या आगीने भीषण रुप धारण केलं. या भीषण दुर्घटनेत चार जणांचा मृत्यू झाला तर पाच जण जखमी झाले होते.गुरुदास खंडू लोकरे यांचंही या अपघातात दुर्देवी मृत्यू झाला आहे. त्यांच्या घरची परिस्थिती अंत्यत हालखीची आहे. त्यांच्या अशा अचानक जाण्याने त्यांच्या संपूर्ण कुटुंबावर दुःखाचा डोंगर कोसळला आहे.

गुरुदास लोकरे यांची घरची परिस्थिती तशी जेमतेम. हिंजवडी येथील एका खाजगी कंपनीत ते काम करायचे. त्यांची पत्नी आजारी असते. त्यांना श्रेयस आणि ओंकार अशी दोन मुलं असून सध्या शिक्षण घेत आहेत. गुरुदास यांची सकाळ वर्तमान पत्र लोकांपर्यंत पोचवण्याच्या कामातून व्हायची. आपण भलं आणि आपलं काम भलं असा त्यांचा स्वभाव होता, असं त्यांच्या ओळखणारे लोक सांगतात.आपल्या कुटुंबाला सुखी कसं ठेवता येईल, आपल्या मुलांना चांगल्या सुख-सुविधा कशा देता येतील याचाच विचार सतत त्यांच्या डोक्यात असायचा. कोथरूडवरून हिंजवडी येथे ते कामाला जात असत. सकाळच्या वेळेत जेवढी काम करता येतील तेवढी कामे ते करायचे.गुरुदास यांच्या जाण्याने त्यांच्या कुटुंबावर दुःखाचा दोनगर कोसळला असून आता कुठे सुखाचे दिवस सुरु झाले होते. पण, नियतीने त्या सुखाला दृष्ट लावली असल्याच्या भावना त्यांच्या नातेवाईकांनी व्यक्त केल्या आहेत. गुरुदास यांच्या जाण्याने त्यांचा मित्रपरिवार देखील दुःखात बुडाला आहे.गुरुदास यांच्या घरची परिस्थिती अत्यंत हलखीची असून त्यांच्या पत्नी देखील आजारी असतात. गुरुदास यांच्या जाण्याने त्यांच्या कुटुंबाच्या उदरनिर्वाहचे साधन त्यांच्यापासून हिरावले गेले आहे. या घटनेने संपूर्ण कुटुंबं रस्त्यावर आले आहे. त्यामुळे त्यांना मदत मिळावी अशी अपेक्षा गुरुदास यांचे भाऊ संदीप लोकरे यांनी व्यक्त केली आहे.