Rajendra Nikam
बीड जिल्ह्यातील अंबाजोगाई येथे एका दलित मुलावर झालेल्या मारहाणीचा व्हिडीओ सध्या सोशल मीडियावर तूफान व्हायरल होत आहे. संबंधित घटना अत्यंत धक्कादायक असून पीडित मुलाचे पैसे आणि मोबाईल हिसकावण्यात आले. चार जण मिळून या मुलाला अत्यंत क्रूरपणे मारहाण करत असल्याचे व्हिडीओमध्ये दिसत आहे.मस्साजोगचे सरपंच संतोष देशमुख यांच्या हत्येनंतर बीड जिल्हा चर्चेत आहे. धनंजय मुंडे यांचे निकटवर्तीय वाल्मिक कराडचे नाव या प्रकरणात आल्यानंतर धनंजय मुंडेंच्या मंत्रिपदाच्या राजीनाम्याची मागणी केली जात होती. शेवटी धनंजय मुंडे यांनी मंत्रिपदाचा राजीनामा दिलाय. मात्र, सध्या बीड जिल्हातील मारहाणीचे व्हिडीओ हे सोशल मीडियावर तूफान व्हायरल होताना दिसत आहेत. धनंजय देशमुख यांचे साडू दादा खिंडकरचेही मारहाणीचे दोन व्हिडीओ तूफान व्हायरल झाले. शेतात नेऊन एकाला मारहाण करताना दादा खिंडकर दिसला. तर दुसऱ्या व्हिडीओमध्ये त्याने एका घरावर हल्ला केला.
आता बीडमधील अजून एक मारहाणीचा व्हिडीओ पुढे येतोय. हा व्हिडीओ बीडच्या अंबाजोगाई येथील असल्याचे कळतंय. शेतात नेऊन सेम स्टाईलने या मुलाला बेदम मारहाण केल्याचे व्हिडीओमध्ये दिसतंय. हेच नाही तर तुला खल्लासच करतो असे म्हणताना मारहाण करणारे दिसत आहेत. आता या तरुणाच्या मारहाणीचा व्हिडीओ मोठ्या प्रमाणात सोशल मीडियावर व्हायरल होताना दिसतोय. अत्यंत धक्कादायक असा हा व्हिडीओ आहे.होलार समाजाचा कृष्णा साळे दस्तगीरवाडी येथील अल्पवयीन मुलास रिंगण करून बेदम मारहाण करण्यात आली. त्याचे पैसे घेतले, मोबाईल हिसकावला गेला.
%20गांधी%20यांचे%20निधन.){kind=link}
