नागपूर हिंसाचार प्रकरणातील ५१ पैकी २४ आरोपींबद्दल धक्कादायक माहिती उघड; ‘तो’ संशय खरा ठरणार?

औरंगजेबाच्या कबरीचा मुद्दा तापल्यानंतर उपराजधानी नागपुरात उसळलेल्या हिंसाचारानंतर पोलिसांनी ५१ जणांना अटक केली आहे. सोमवारी रात्रीच्या सुमारास नागपुरात दोन गट भिडले. त्यांनी एकमेकांवर तुफान दगडफेक केली.औरंगजेबाच्या कबरीचा मुद्दा तापल्यानंतर उपराजधानी नागपुरात उसळलेल्या हिंसाचारानंतर पोलिसांनी ५१ जणांना अटक केली आहे. सोमवारी रात्रीच्या सुमारास नागपुरात दोन गट भिडले. त्यांनी एकमेकांवर तुफान दगडफेक केली. यावेळी अनेक घरं, दुकानं, वाहनं लक्ष्य करण्यात आली. सोमवारी झालेला हिंसाचार पूर्वनियोजित होता, अशी शंका उपस्थित केली जात आहे. या संशयाला बळ देणारी माहिती पोलीस तपासातून पुढ आली आहे.
हिंसाचार प्रकरणात पोलिसांच्या एफआयआरमध्ये ५१ जणांची नावं आहेत. त्यांचे पत्तेही पोलिसांच्या हाती लागले आहेत. विशेष म्हणजे यातील जवळपास निम्मे आरोपी मध्य नागपूरचे रहिवासीच नाहीत. सोमवारी रात्रीच्या सुमारास मध्य नागपुरात हिंसाचार उफाळला. या प्रकरणात पोलिसांच्या एफआयआरमध्ये ५१ जणांची नावं आहेत.

त्यातील २४ आरोपी बाहेरचे आहेत. त्यामुळे हे २४ जण हिंसाचारावेळी मध्य नागपुरात का आले होते, ते हिंसाचार घडवण्यासाठी आले होते का, याचा तपास पोलिसांनी सुरु केला आहे.चिटणीस पार्क परिसरात हिंसाचार उफाळला. त्याची झळ आसपासच्या भागालाही बसली. चिटणीस पार्कसह आसपासच्या परिसरात दगडफेक, जाळपोळ झाली. या प्रकरणातील एफआयआरमध्ये ५१ जणांची नावं आहेत. त्यातील २४ जण बाहेरच्या भागातून मध्य नागपुरात आले होते. कळनमा, पारडी, उमरेड रोड, यशोधरा नगर, वाठोडा, टेक नाका, जाफर नगर, तासबाग परिसरातून ते हिंसाचार घडला त्या भागांमध्ये आले होते.पोलिसांच्या एफआयआरमध्ये नावं असलेले २४ जण हिंसाचारग्रस्त भागापासून कित्येक किलोमीटर दूरवर राहतात. हे सगळे हिंसाचार घडवण्यासाठीच सोमवारी मध्य नागपुरात आले होते, त्याचा तपास पोलिसांनी सुरु केला आहे. कळनमा, पारडी, उमरेड रोड, यशोधरा नगर, वाठोडा, टेक नाका, जाफर नगर, तासबाग हे सगळे भाग जिथे हिंसाचार उफाळला, त्या भागाच्या चारही बाजूंना आहेत. त्यामुळे मध्य नागपुरात हिंसा घडवण्यासाठी आसपासच्या भागातून माणसं बोलावण्यात होती का, हा प्रश्न कायम आहे.हिंसाचारग्रस्त भागाचे आमदार प्रवीण दटकेंनी या प्रकरणात गंभीर आरोप केलेले आहेत. हिंसाचार बाहेरच्या लोकांनी घडवल्याचा त्यांचा दावा आहे. पोलीस एफआयआरमधील आरोपींचे पत्ते पाहता, दटकेंचा आरोप खरा ठरताना दिसत आहे. सोमवारी एका धार्मिकस्थळाच्या आवारात प्रार्थनेवेळी नेहमीपेक्षा अधिक गर्दी होती. त्यामुळे हिंसाचार ठरवून घडवण्यात आला का, अशी शंका विश्व हिंदू परिषदेचे महाराष्ट्र प्रांताचे मंत्री गोविंद शेंडे यांनी बोलून दाखवली होती.