हिंसाचाराचे समर्थन करत नाही, औरंगजेब हा…, नागपूरच्या घटनेवर RSS ची पहिली प्रतिक्रिया.

 नागपूरमध्ये झालेल्या हिसांचाराच्या घटनेवर संघाने आपली भूमिका स्पष्ट केली आहे. संघाची भूमिका ही विहिंप आणि बजरंग दलाची कान टोचणारी आहे असे दिसून येत आहे.नागपूरमध्ये घडलेल्या हिसांचाराच्या घटनेवर संघाने आपली भूमिका स्पष्ट केली आहे. संघाने म्हटले आहे की औरंगजेब हा सध्याचा संयुक्तिक मुद्दा नाही. तसेच संघ कोणत्याही हिंसेचे समर्थन करत नाही अशी भूमिका संघाने माडली आहे. राष्ट्रीय स्वयंसेवक संघाच्या बंगळूरू येथील सभेत पत्रकाराकडून विचारण्यात आलेल्या प्रश्नाला प्रचारप्रमुख सुनिल आंबेकर यांनी उत्तर दिले. त्यामुळे संघाने घेतलेली ही भूमिका त्यांच्याच संघटना असलेल्या विश्व हिंदू परिषद आणि बजरंग दलाच्या आंदोलनावरही ही भाष्य करणारी आहे.

संघाची भूमिका प्रचारप्रमुख सुनिल आंबेकर यांना नागपूरातील हिसांचारावर विचारले असता त्यांनी म्हटले की, कोणत्याही प्रकारची हिंसा ही समाजासाठी चांगली नसते. औरंगजेबच्या कबरीचा मुद्दा हा संयुक्तिक आहे किंवा तेथील कबर उखडण्यात यावी का या प्रश्नावर ते म्हणाले की हा मुद्दा संयुक्तिक नाही.संघाने घेतलेल्या भूमिकेवर विहिंपचे गोविंद शेंडे यांनी एबीपी माझा वाहिनीला प्रतिक्रिया दिली ते म्हणाले, हिसांचार सहन केला जाणार नाही असे सुनिलजी बोलले हे सत्य आहे. हिसांचार आम्ही करत नाही हे पण सत्य आहे. हिंदू समाज हा फार उदात्त विचार घेऊन चालणारा आहे. हिंदू समाज कोणताही हिंसाचार करत नाही आणि त्याचे कधीही समर्थन करत नाही.महाल परिसरात औरंगजेबाच्या आंदोलनामुळे कोणाच्याही धार्मिक भावना दुखावल्या जातील असे कृत्य केले नाही. प्रतिकात्मक पुतळ्यावर धार्मिक चादर किंवा कापड नव्हते. त्यामुळे विहिंपच्या आंदोलनाने वातावरण बिघडले असे म्हणणे चुकीचे असल्याचे मत शेंडें यांनी व्यक्त केले होते.मास्टरमाइंडला अटकनागपूर हिंसाचारातील मास्टरमाइंडला पोलिसांनी अटक केली आहे.फहीम शमीम खान असे त्याचे नाव आहे. त्याने नितीन गडकरी यांच्याविरोधात खासदारकीची निवडणूक लढवली होती. फहीम खान याला अटक केल्यानंतर बुधवारी न्यायालयात हजर केले. न्यायालयाने फहीम खानला २१ मार्चपर्यंत पोलिस कोठडी सुनावली. मिळालेल्या माहितीनुसार, फहीम खान हा मायनॉरिटी डेमोक्रॅटिक पार्टी (MDP) चा स्थानिक नेता आहे.