औरंगजेब कबरीजवळ चोख बंदोबस्त, वादग्रस्त पोस्ट करणाऱ्यांवर होणार कारवाई.

छत्रपती संभाजीनगर जिल्ह्यातील पोलिस आणि प्रशासन सोशल मीडियाच्या संदेशांवर लक्ष ठेवत आहेत. ग्रामीण पातळीवरील यंत्रणांना संशयास्पद हालचालींवर लक्ष ठेवण्याचे निर्देश दिले आहेत. सर्व नागरिकांनी अफवांवर विश्वास न ठेवता, प्रशासनाला सहकार्य करावे व शांतता राखावी, असे आवाहन करण्यात आले आहे.पोलिस सोशल मीडियाबाबत अत्यंत दक्ष असून चुकीची माहिती अथवा भावना भडकवणाऱ्या मजकुरावर सायबर सेलचे लक्ष आहे. अशा वादग्रस्त पोस्ट शेअर करणाऱ्या व्यक्तींविरुद्ध कडक कारवाई करण्यात येईल, असा इशारा पोलिस अधीक्षकांनी दिला. याशिवाय प्रत्येक गावातील पोलीस पाटलांनी त्यांच्यामार्फत ग्रामसुरक्षा ॲपवर माहिती द्यावी. १८००२७०३६०० असा ग्राम सुरक्षा ॲपचा क्रमांक आहे. शिवाय नागरिक ११२ या क्रमांकावरही आपल्याकडील माहिती देऊ शकतात. आपल्या परिसरात शांतता राखणे हे आपले कर्तव्य असून नागरिकांनी प्रशासनाला सहकार्य करावे, असे आवाहनही राठोड यांनी केले.छत्रपती संभाजीनगर जिल्ह्यातील कायदा सुव्यवस्था व शांतता अबाधित आहे. प्रशासन सज्ज असून चोख बंदोबस्त लावण्यात आला आहे.

नागरिकांनी अफवांवर विश्वास न ठेवता शांतता कायम राखावी व प्रशासनास सहकार्य करावे, असे आवाहन जिल्हाधिकारी दिलीप स्वामी यांनी मंगळवारी येथे केले. स्वामी यांनी मंगळवारी येथील औरंगजेब कबर येथे भेट देऊन तेथील सुरक्षा व्यवस्थेची पाहणी करून आढावा घेतला. पोलिस अधीक्षक डॉ. विनयकुमार राठोड, उपविभागीय अधिकारी संतोष गोरड, उपविभागीय पोलिस अधिकारी विजयकुमार ठाकूरवाड, खुलताबादचे तहसीलदार स्वरुप कंकाळ, भारतीय पुरातत्व विभागाचे राजेश वाकलेकर तसेच सर्व मंडळ अधिकारी, ग्राम महसूल अधिकारी आदी उपस्थित होते.येथील तहसील कार्यालयात झालेल्या बैठकीत जिल्हाधिकारी स्वामी यांनी सांगितले की, गावातील संशयास्पद व्यक्तींच्या हालचालींवर लक्ष ठेवावे. त्याबाबत तात्काळ पोलिसांना सांगावे. सतर्क व सजग राहावे. गाव पातळीवर माहिती देऊन ग्रामस्थांनाही माहिती देण्यास सांगावे. सर्व विभागाच्या कर्मचाऱ्यांनी परस्परांशी संपर्क साधावा, असेही त्यांनी सांगितले. अफवांवर विश्वास ठेवू नये.

सोशल मीडियावरही लक्ष ठेवावे. आक्षेपार्ह मेसेज पाठविले जात असल्याचे निदर्शनास आल्यास तात्काळ पोलिसांना कळवावे, असे निर्देश जिल्हाधिकाऱ्यांनी ग्रामपातळीवरील यंत्रणेला दिले.डॉ. राठोड यांनी सांगितले की, खुलताबाद येथे पुरेसा बंदोबस्त असून वरिष्ठ अधिकाऱ्यांसह ३० पोलिस, राज्य राखीव दलाच्या ५० जवानांची एक तुकडी, ८० होमगार्डचा त्यात समावेश आहे. सर्व परिसरात सीसीटीव्ही कॅमेरे बसविण्यात आले आहेत. येणाऱ्या प्रत्येक व्यक्तीची नोंद घेतली जात आहे. हा बंदोबस्त २४ तास असून संपूर्ण खुलताबाद परिसरात ड्रोन पेट्रोलिंगही केले जात आहे. पोलिसांच्या ड्रोन व्यक्तिरिक्त अन्य ड्रोनच्या उड्डाणांना बंदी आहे.पोलिस सोशल मीडियाबाबत अत्यंत दक्ष असून चुकीची माहिती अथवा भावना भडकवणाऱ्या मजकुरावर सायबर सेलचे लक्ष आहे. अशा वादग्रस्त पोस्ट शेअर करणाऱ्या व्यक्तींविरुद्ध कडक कारवाई करण्यात येईल, असा इशारा पोलिस अधीक्षकांनी दिला. पोलिस पाटलांनी त्यांच्यामार्फत ग्रामसुरक्षा ॲपवर माहिती द्यावी. १८००२७०३६०० असा ग्राम सुरक्षा ॲपचा क्रमांक आहे. शिवाय नागरिक ११२ या क्रमांकावरही माहिती देऊ शकतात. नागरिकांनी करावे, असे आवाहनही राठोड यांनी केले.