आमच्या मुलीला मृत घोषित करा, २० वर्षीय विद्यार्थिनीच्या पालकांची पोलिसांना विनंती.

अमेरिकेतील यंत्रणा कॅरेबियन देशातील प्रशासनासोबत तिच्या बेपत्ता होण्याच्या प्रकरणाची चौकशी करीत होत्या. मोठ्या प्रमाणावर शोध घेऊनही तिचा मृतदेह हाती लागला नाहीआमच्या मुलीला मृत घोषित करण्यात यावे, अशी मागणी बेपत्ता असलेली २० वर्षीय भारतीय विद्यार्थिनी सुदीक्षा कोनानकीच्यापालकांनी डॉमिनिकन रिपब्लिकच्या  पोलिसांकडे केली आहे. अमेरिकेतील प्रसारमाध्यमांनी हे वृत्त दिले आहे. कोनानकी ही भारतीय विद्यार्थिनी अमेरिकेची कायमस्वरूपी नागरिक आहे. ६ मार्च रोजी ती पुंटा कॅना या शहरातील रिऊ रिपब्लिक रिसॉर्टमध्ये शेवटची दिसली होती. ती डॉमिनिकन रिपब्लिक येथेअमेरिकेतील यंत्रणा कॅरेबियन देशातील प्रशासनासोबत तिच्या बेपत्ता होण्याच्या प्रकरणाची चौकशी करीत होत्या. मोठ्या प्रमाणावर शोध घेऊनही तिचा मृतदेह हाती लागला नाही.

‘कोनानकी कुटुंबीयांनी एक पत्र पाठवून तिला मृत घोषित करण्याची मागणी केली आहे’, असे डॉमिनिकन रिपब्लिक पोलिसांचे प्रवक्ते दिएगो यांनी सांगितल्याचे वृत्त एनबीसी न्यूजने मंगळवारी दिले आहे.याबाबत कोनानकी कुटुंबियांची प्रतिक्रिया तातडीने उपलब्ध होऊ शकली नाही. दरम्यान कोनानकी हिच्याबरोबर शेवटी दिसलेल्या व्यक्तीचा पासपोर्ट जप्त करण्यात आला आहे, असे वृत्त सीएनएन न्यूजने दिले आहे.डॉमिनिकन रिपब्लिकचे अॅटर्नी जनरल येनी बेरेनिस रेनोसो यांनी जोशुआ स्टीव्हन रिबे यांची सहा तासांहून अधिक काळ चौकशी केली. स्थानिक अभियोक्त्याकडून ही चौकशी आणखी काही काळ सुरू राहण्याची अपेक्षा आहे, असे सूत्रांनी सांगितले.

दरम्यान, जोशुआ रिबे याला या प्रकरणात संशयित मानले जात नाही, किंवा त्याच्यावर चुकीच्या गोष्टी केल्याचा आरोपही केला गेलेला नाही. रिबे म्हणाला की, कोनानकीशी त्याची पहिली भेट हॉटेलमध्ये झाली, जेव्हा त्यांनी पाच मैत्रिणींच्या ग्रुपशी स्वतःची ओळख करुन घेतली. यावेळी दोन्ही ग्रुप्स बारमध्ये एकत्र गेले, तिथे त्यांनी मद्यपान केले. यावेळी कोणीतरी बीचवर जाण्याचं सुचवलं. असं रिबे याने चौकशीत सांगितलं.६ मार्च रोजी पहाटे रिऊ रिपब्लिक हॉटेलच्या बारमध्ये कोनानकी पाच तरुणी आणि दोन तरुणांसोबत मद्यपान करताना सीसीटीव्ही फुटेजमध्ये दिसली. व्हिडिओमध्ये कोनानकी पांढऱ्या रंगाच्या कपड्यात तिच्या मैत्रिणींना मिठी मारताना आणि त्यांच्याशी बोलताना दिसते. तर रिबे बारबाहेर काही फूट अंतरावरील लॉनवर वाकताना आणि काहीसा अडखळताना दिसतो.