भडगावात मेनरोडवरील सराफी दुकानाच्या मागिल भिंत फोडुन चोरी. सहा किलो चांदीसह रोक लंपास; पोलीस निरीक्षकांचा धाक संपला? भडगाव : शहरातील मेन वरील घोडके सराफ ज्वेलर्स दुकान भिंत तोडून अज्ञात चोरांनी सहा किलो चांदी आणि लोक रक्कम चोरीची घटना घडली आहे. सविस्तर माहिती अशी की मुख्य रस्त्यालगतच्या घोडके सराफा दुकानातील सोने, चांदी व रोकड अशा २ लाख ९३ हजार ५०० रुपयांची अज्ञात चोरट्यांनी चोरी केली.
ही घटना दि. १६ ते १८ दरम्यान घडली आहे. याबाबत भडगाव पोलिस स्टेशनला आरोपींविरुद्ध गुन्हा दाखल करण्यात आला आहे. भडगाव पोलिस स्टेशनपासून हाकेच्या अंतरावर आणि वर्दळीच्या रस्त्यावर ही घटना घडली आहे. या दुकानाला अज्ञाताने भिंतीला छिद्र पाडून दुकानात प्रवेश केला. दुकानातील सोने, चांदी व रोख रक्कम असा २ लाख ९३ हजार ५०० रुपयांचा ऐवज चोरीला गेला आहे.
घटनास्थळी पोलिस निरीक्षक पांडुरंग पवार, पोलिस निरीक्षक बबन आव्हाड, पोलिस उपनिरीक्षक शेखर डोमाळे, पोलिस निरीक्षक गणेश म्हसके, पोलिस उपनिरीक्षक गणेश म्हस्के, सुशील सोनवणे यांनी घटनास्थळी भेट दिली. मुख्य रस्त्यालगतच्या सोन्याचे दुकान चोरट्यांनी फोडून चोरी केल्याने मोठी खळबळ उडाली आहे.









