भाजप पदाधिकाऱ्याचे वसुली प्रताप उघड; खासगी सावकारीसह महिलांचा विनयभंग, बापलेकांवर ३ गुन्ह्यांची नोंद.

रोहित व कैलासविरुद्ध एकूण तीन गुन्हे नोंद असून, त्यांनी २६ वर्षांपासून अवैधरित्या खासगी सावकारीतून नागरिकांकडून खंडणी ‘वसल’ केल्याचे पोलिस पोलिस तपासात समोर येत आहे. भाजप कामगार आघाडीचा सरचिटणीस असलेला संशयित रोहित कैलास कुंदलवाल याच्यासह त्याचे वडील कैलास व भाऊ निखिल यांच्याविरुद्ध पंचवटी व गंगापूर पोलिसांत खंडणी, खुनाच्या प्रयत्नासह विनयभंगाचे गुन्हे नोंद झाले आहेत. रोहित व कैलासविरुद्ध एकूण तीन गुन्हे नोंद असून, त्यांनी २६ वर्षांपासून अवैधरित्या खासगी सावकारीतून नागरिकांकडून खंडणी ‘वसूल’ केल्याचे पोलिस तपासात समोर येत आहे.गंभीर बाब म्हणजे, बापलेकांनी सावकारीतून पैसे उकळताना महिलांचे विनयभंग केल्याच्या नोंदीही पोलिसांत दाखल आहेत. तीन गुन्हे नोंद असून, त्यांनी २६ वर्षांपासून ख पंचवटी पोलिसांत एका सेवानिवृत्त कर्मचाऱ्याच्या फिर्यादीवरून भाजप पदाधिकारी रोहित कुंदलवाल, त्याचे वडील कैलास कुंदलवाल, भाऊ निखिल कुंदलवाल (सर्व रा. उदय कॉलनी, पंचवटी) यांच्याविरुद्ध खंडणीसह विनयभंगाचा गुन्हा नोंद आहे.गंगापूर पोलिसांत एका महिला व्यावसायिकाच्या फिर्यादीवरून रोहित, कैलास, निखिलसह अपीलीया कुमावत यांच्याविरुद्ध खुनाच्या प्रयत्नासह खंडणीचा गुन्हा नोंद आहे. दरम्यान, रोहित याने सोशल मीडियावर भाजपचा पदाधिकारी असल्यासंदर्भात पोस्ट अपलोड केल्या आहेत.

यासह कैलासचे मंत्री गिरीश महाजन, उपमुख्यमंत्री एकनाथ शिंदे यांच्यासमवेतही फोटो आहेत. मात्र, नाशिकच्या भाजप पदाधिकाऱ्यांनी कैलास पक्षात नसल्याचा दावा केला आहे. वैभव देवरेपाठोपाठ कैलासची नवी टोळी उघड होत आहे२६ वर्षांपासून खासगी सावकारीतून नागरिकांचे आर्थिक शोषण घरझडतीत एका बाजूने २६ व दुसऱ्या बाजूने २९ असे एकूण ५५ जणांची यादी असलेला एक कागद हस्तगत  घरातून एक छोटी डायरी जप्त; प्रत्येक वेगवेगळ्या पानांवर व्यक्तीची नावे, रकमांसह दिनांक व स्वाक्षरी  संशयिताकडून ३ मोबाइल, गळ्यातील सोन्याचा गोफ, पंधरा हजार रुपये रोख रक्कम जप्त संशयिताकडून एमएच २० एफयू ६८०० क्रमांकाची फोर्ड कंपनीची कार जप्त  संशयिताच्या घरातून एका पिस्तुलासह सहा जिवंत काडतुसे, नोटा मोजण्याचे मशीन जप्त रोहित, कैलास यांच्यासह ६-७ साथीदारांचा समावेश असल्याचा पोलिसांना संशयकैलास कुंदलवालने पंचवटीतील दाम्पत्याला पाच लाख रुपये दिले होते. ५ मार्च १९९९ ते नोव्हेंबर २०२४ या कालावधीत त्याने विनापरवाना, अवाजवी व्याजाची मागणी करून ८० लाख रुपये उकळले. त्यानंतर व्याजाच्या हफ्त्याची तारीख चुकली म्हणून दंड व खंडणीपोटी पुन्हा ५० लाखांची मागणी केली. फिर्यादीच्या पत्नीच्या माहेरच्या नावे असलेल्या जमिनीवर कैलासने त्याच्या आईच्या नावे मुखत्यारपत्र करून घेतले. त्यानंतर सदरची हडपलेली जमीन कैलासने त्याच्या सासूच्या नावे केली. तसेच फिर्यादीच्या मुला-मुलींचे अपहरण करून मुलीकडे वाईट नजरेने बघून तिचा विनयभंग केला. यासह फिर्यादीसह नातलगांच्या नावे असलेली चांदवडच्या भुत्याने येथील जमीनही जबरदस्तीने स्वतःच्या नावे करून घेतली. फिर्यादीच्या पत्नीचे फंडाचे पैसेही लुटले.

तसेच फिर्यादीच्या पत्नीकडे व्याजाची रक्कम मागून अश्लील शिवीगाळ करीत मारहाण केली.पाच तोळे सोन्याची अडीच लाख रुपयांची पोत हिसकावली. फिर्यादीच्या सेवानिवृत्तीचे दहा लाख रुपये जबरदस्तीने घेतले. फिर्यादीचा फ्लॅट विकण्यास भाग पाडून, कर्ज काढून, पत्नीचे दागिने गहाण ठेवत, एलआयसी विम्यावर कर्ज काढून व्याजाचे व सेवानिवृत्तीचे पैसे देण्यास कैलासने भाग पाडले. यासह रोहित कुंदलवालनेही फिर्यादीच्या कुटुंबातील महिलांबाबत अपशब्द वापरून त्याच्याकडील पिस्तुलाचा धाक दाखवून मारहाण केली. निखील कुंदलवालने फिर्यादीच्या मुलाची सोन्याची अंगठी व तीन लाख रुपये जबरदस्तीने घेतले. ‘जोपर्यंत पन्नास लाख रुपये देत नाही. तोपर्यंत भुत्याने येथील जमीन परत करणार नाही. तुमचे कुटुंब उद्ध्वस्त करून टाकू’, अशी धमकी दिली. याबाबत पंचवटी पोलिसांत खंडणीसह विनयभंगाचा गुन्हा नोंद आहे.कॉलेजरोड पोलिस चौकीशेजारी असलेल्या एका हॉटेल व्यावसायिकाने संशयितांकडून ४९ लाख ३६ हजार रुपये व्याजाने घेतले. त्याबदल्यात दंडापोटी ५२ लाख व मुद्दल, व्याज, दंड धरून ६४ लाख ३६ हजार रुपये संशयितांनी उकळले. १५ जुलै २०२४ ते १३ मार्च २०२५ या कालावधीत हा प्रकार घडला. रोहितने व्यावसायिकाच्या घरी जात त्याच्या पत्नीला ‘जर तुझ्या नवऱ्याने पैसे दिले नाही आणि तो नाशिकमध्ये दिसला तर त्याला ठार मारेन’, अशी धमकी दिली. त्या महिलेला अश्लील शिवीगाळ करून मारहाण केली. यासह फिर्यादीच्या हॉटेलात जात पिस्तुलाचा धाक दाकवून ‘आताच्या आता ६४ लाख दे, नाहीतर ठार मारेन’, अशी धमकी देत फिर्यादीचा गळा दाबून ठार मारण्याचा प्रयत्न केला. यासह फिर्यादीच्या हातातील तीन सोन्याच्या अंगठ्या जबरदस्तीने काढून घेतल्या. यासह निखिलचा मेहुणा दया याने मोबाइलवरून फिर्यादीशी संपर्क साधत खंडणीची मागणी केली.जुने नाशिक परिसरातील ४० वर्षीय महिलेने व्यवसायाकरिता संशयिताकडून डिसेंबर २०२२ मध्ये पंधरा लाख रुपये व्याजाने घेतले होते. त्यानंतर कुंदलवाल याने वेळोवेळी ३८ लाख रुपयांची वसुली केली. त्यानंतर मुद्दल व व्याज धरून पन्नास लाख रुपयांची मागणी केली. ही रक्कम न दिल्याने संशयिताने फिर्यादीला कॉलेजरोड परिसरातील एका हॉटेलबाहेर बोलावले. तेथे बळजबरीने फिर्यादीला आलिशान कारमध्ये बसवून प्रसाद सर्कल परिसरातील आलिशान जीममध्ये नेत विनयभंग करून शिवीगाळ केली. त्यानंतर पंचवटीतील भक्तिधामजवळ दाम्पत्याला बोलावून पिस्तुलाचा धाक दाखवून ५० लाख रुपयांची मागणी करून जीवे ठार मारण्याची धमकी दिली. त्यानंतर हुंडीवाला लेनमधील दुकानात जात फिर्यादीच्या पंधरा वर्षीय मुलीचाही विनयभंग केला.