तेच गाव, तेच ठिकाण; खोक्याला घेऊन पोलिसांची परेड; तपासाला वेग, २ महत्त्वाचे पुरावे हवेत.

भारतीय जनता पक्षाचे आमदार सुरेश धस यांचा कार्यकर्ता असलेल्या सतीश भोसले उर्फ खोक्याच्या अडचणी वाढत आहे. वन विभागानं त्याच्या घरावर कारवाई केली. वन विभागाच्या जमिनीवर अतिक्रमण करुन खोक्यानं घर उभारलं होतं.बीड: भारतीय जनता पक्षाचे आमदार सुरेश धस यांचा कार्यकर्ता असलेल्या सतीश भोसले उर्फ खोक्याच्या अडचणी वाढत आहे. वन विभागानं त्याच्या घरावर कारवाई केली. वन विभागाच्या जमिनीवर अतिक्रमण करुन खोक्यानं घर उभारलं होतं. ते वन विभागाच्या अधिकाऱ्यांनी जमीनदोस्त केलं. बुलडोझर लावून ही तोडक कारवाई करण्यात आली. भोसलेला ३ दिवसांपूर्वी उत्तर प्रदेशच्या प्रयागराजमधून अटक करण्यात आली. मारहाण प्रकरणात तो तुरुंगात आहे.बीडच्या शिरुर कासार तालुक्यातील बावी गावात आज पोलिसांचं पथक पोहोचलं. याच गावात खोक्यानं ढाकणे पितापुत्राला अमानुषपणे मारहाण केली होती. त्याच प्रकरणात पोलिसांनी त्याला अटक केली. आता याच गुन्ह्याचा तपास पोलीस करत आहेत. त्यासाठी पोलीस खोक्याला घेऊन बावी गावात घेऊन गेले. तिथे पोलिसांनी क्राईम सीन रिक्रिएट केला.

शिरुर कासार तालुक्यातील बावी गावातच खोक्यानं ढाकणे पितापुत्राला मारहाण केली होती. त्यात ते जबर जखमी झाले होते. याच प्रकरणात खोक्या अटकेत आहे. पोलिसांनी त्याला घेऊन बावी गाव गाठलं. ढाकणेंना ज्या ठिकाणी मारहाण झाली, तिथेच खोक्याला नेण्यात आलं. तिथे पोलिसांनी पंचनामा केला. मारहाणीत वापरण्यात आलेल्या हत्यारांचा, वाहनाचा शोध पोलिसांकडून सुरु आहे.खोक्याला अटक करण्यापूर्वी वन विभागानं त्याच्या घरावर बुलडोझर चालवला. वन विभागाच्या जमिनीवर अतिक्रमण करुन घर बांधण्यात आलं असल्यानं तोडक कारवाई करण्यात आली. त्याआधी वन विभागाकडून भोसले कुटुंबाला नोटीस पाठवण्यात आलेली होती. पण त्या नोटिशीला कोणतंही उत्तर देण्यात आलं नव्हतं. खोक्याचं घर पाडण्यात आल्यानंतर त्याच रात्री अज्ञात व्यक्तींनी त्या परिसरात जाळपोळ केली. खोक्याच्या घरातील सामान पेटवून देण्यात आलं. जाळपोळ करणाऱ्यांना अटक करण्याची मागणी खोक्याच्या कुटुंबियांनी केली.यानंतर आज वन विभागानं तोडकाम केलेल्या ठिकाणी बुलडोझर लावून चर खणले. वन विभागाच्या अखत्यारित येणाऱ्या जमिनीभोवती चर खणण्यात आले. या भागात पुन्हा अतिक्रमण होऊ नये यासाठीची दक्षता म्हणून चर खणण्याचं काम हाती घेण्यात आलं होतं.