टोळक्याने तरुणाला भररस्त्यात घेरले अन् बेछुट गोळीबार केला, तरुणाचा अंत; घटनेने साऱ्यांचा थरकाप.

उत्तर प्रदेशातून थरकाप उडवणारी घटना समोर येत आहे. राज्यातील अलीगडमध्ये रमजानच्या सेहरीपूर्वी एका तरुणाची गोळ्या घालून निर्घृणपणे हत्या करण्यात आली आहे.उत्तर प्रदेशातून थरकाप उडवणारी घटना समोर येत आहे. राज्यातील अलीगडमध्ये रमजानच्या सेहरीपूर्वी एका तरुणाची गोळ्या घालून निर्घृणपणे हत्या करण्यात आली आहे. दुचाकीवरून आलेल्या चार हल्लेखोरांनी २५ वर्षीय हारिस उर्फ कट्टावर गोळीबार केला आहे. शुक्रवारी पहाटे ३ वाजताच्या सुमारास रोरावार पोलीस स्टेशन हद्दीतील तेलीपाडा परिसरात ही घटना घडली. या घटनेचा थरार परिसरातील सीसीटिव्ही कॅमेऱ्यात कैद झाला आहे, ज्यामध्ये मुखवटा घातलेले हल्लेखोर तरुणावर गोळ्या झाडताना दिसत आहेत.

शुक्रवारी पहाटे अलीगडमधील तेलीपाडा परिसर या घटनेने हादरला आहे. सेहरीच्या अगदी आधी, चार दुचाकीस्वार गुन्हेगारांनी २५ वर्षीय हारिस उर्फ कट्टा याच्यावर गोळीबार केला. हल्लेखोरांनी त्याच्यावर सहा ते सात गोळ्या झाडल्या, यामध्ये हारिसचा जागीच मृत्यू झाला. ही संपूर्ण घटना परिसरातील सीसीटीव्ही कॅमेऱ्यात कैद झाली.हारिस उर्फ कट्टाच्या हत्येने परिसरात घबराट पसरली आहे. पोलिसांनी माहिती समजताच घटनास्थळ गाठत मृतदेह ताब्यात घेतला आणि शवविच्छेदनासाठी पाठवला आहे. पोलिस अधिकाऱ्यांनी प्रकरणाचे गांभीर्य लक्षात घेता घटनेचा कसून तपास सुरु केला आहे. पोलीस सीसीटीव्ही फुटेज तपासत आहेत आणि गुन्हेगारांची ओळख पटवण्याचा प्रयत्न करत आहेत. पोलीस हत्येमागील कारणे शोधण्याचा देखील प्रयत्न करत आहेत. लवकरच गुन्हेगारांना बेड्या ठोकल्या जाणार, असे पोलिसांनी नमूद केले आहे.

घटनेच्या वेळी परिसरात काही लोक उपस्थित होते. अंधारामुळे कोणालाही दरोडेखोरांचा चेहरा स्पष्टपणे दिसला नाही. पोलीस परिसरातील लोकांचीही चौकशी करत आहेत. पोलिसांना आशा आहे की या प्रकरणाचा लवकरच उलगडा होईल. पोलीस या घटनेकडे संघटित गुन्हेगारी म्हणून पाहत आहेत. सध्या पोलीस प्रकरणातील सर्व कंगोरे तपासत आहेत.