सहा दिवस खोक्या कुठे होता? संपूर्ण घटनाक्रम समोर, सुरेश धसांच्या गुंड कार्यकर्त्याबद्दल मोठी माहिती.

सतीश भोसले ऊर्फ खोक्या याच्यावर गुन्हा दाखल झाल्यानंतर तो फरार होता. पोलिस त्याच्या शोधात होती. प्रयागराज विमानतळा जवळ पोलिसांनी त्याला अटक केली. तो सतत ठिकाण बदलत असल्याने पोलिसांच्या हाती लागला नव्हता. शेवटी पोलिसांनी त्याच्या मुसक्या आवळल्या. आता एक अत्यंत मोठी माहिती ही पुढे येताना दिसतंय.आमदार सुरेश धस यांचा कार्यकर्ता सतीश भोसले ऊर्फ खोक्या हा गेल्या काही दिवसांपासून सतत चर्चेत आहे. खोक्याचे काही व्हिडीओ व्हायरल झाली. या व्हिडीओमध्ये तो अत्यंत क्रूरपणे मारहाण करताना दिसला. हेच नाही तर २०० हरणांची शिकार केल्याचा आरोप त्याच्यावर आहे. खोक्या हा सुरेश धस यांना आपला बॉस मानत. ढाकणे कुटुंबियांना खोक्याने माहराण केली. त्यानंतर खोक्या याच्या विरोधात पोलिस गुन्हा देखील नोंद करू घेत नव्हते. खोक्याची बीडच्या शिरूरकासारमध्ये प्रचंड गुंडगिरी आहे. त्याचे अनेक व्हिडीओही व्हायरल होताना दिसली.

व्हायरल होणाऱ्या व्हिडीओनंतर खोक्या याच्यावर गुन्हा दाखल करण्यात आला. मात्र, गुन्हा दाखल होताच खोक्या हा फरार झाला. गेल्या काही दिवसांपासून पोलिस हे खोक्याच्या शोधात होती. शेवटी खोक्याला प्रयागराजमधून अटक केली. बीड पोलिस आणि युपी पोलिसांनी संयुक्तपणे कारवाई करत सतीश भोसले याच्या मुसक्या आवळल्या. आज सतीश भोसले याला बीडला आणले जाणार आहे. फरार असताना त्याने एक मुलाखत देखील दिली होती.आता सतीश भोसले याच्याबद्दल मोठी माहिती पुढे येताना दिसतंय. फरार झाल्यानंतर तो नेमका कुठे होता, याबद्दल अत्यंत मोठी माहिती ही पुढे आलीये. गुन्हा दाखल होताच खोक्याने सर्वात अगोदर पुणे गाठले आणि तो दोन दिवस पुण्यातच मुक्कामाला होता.

तिसऱ्या दिवशी तो शिरूरकासारला पोहोचला आणि तिथे त्याने tv9 ला मुलाखत देखील दिली. त्यानंतर तो छत्रपती संभाजीनगरला पोहोचला. संभाजीनगरहून तो ट्रॅव्हल्सने प्रयागराजला पोहोचला.पुण्यात तो ठिकाण बदलत होता. अहिल्यानगरमध्येही त्याने एक दिवस मुक्काम केल्याची माहिती आहे. प्रयागराजमधून तो विमानतळाकडे जात होता. पुढचा प्रवास विमानाने करण्याचे त्याचे प्लनिंग होते. यादरम्यानच पोलिसांनी त्याला अटक केली. आता अशीही माहिती मिळत आहे की, यादरम्यानच्या काळात खोक्यासोबत अजून एक व्यक्ती होती. स्वत:चा मोबाईल बंद ठेऊन त्याने नवीन मोबाईल घेतला होता आणि तोच फोन खोक्या वापरत होता. सतत ठिकाण बदलत असल्याने पोलिसांना तो मिळत नव्हता.