घरातच खोदला वीस फूट खोल खड्डा; गुप्तधनासाठी लहान मुलीचा नरबळी देण्याचा प्रयत्न, जालन्यात भोंदूबाबाला अटक.

नरबळी देण्यासाठी संबंधित भोंदूबाबाने दीड वर्षापासून घरात वीस फुटांचा खड्डा खोदून ठेवला होता. एका पाच वर्षीय पायाळू मुलीला ताब्यात घेण्यासाठी षड्यंत्र रचले होते.गुप्तधनासाठी कोवळ्या मुलीचा नरबळी देण्याचा भोंदूबाबाचा प्रयत्न पोलिसांच्या उघडकीस आला. नरबळी देण्यासाठी संबंधित भोंदूबाबाने दीड वर्षापासून घरात वीस फुटांचा खड्डा खोदून ठेवला होता. एका पाच वर्षीय पायाळू मुलीला ताब्यात घेण्यासाठी षड्यंत्र रचले होते. गणेश दामोदर लोखंडे असे आरोपीचे नाव आहे.वालसा वडाळा (ता. भोकरदन) येथील ज्ञानेश्वर आहेर यांनी तीन मार्च रोजी आत्महत्या केली. त्यांच्या खिशातील चिठ्ठीत गणेश दामोदर लोखंडे याने दिलेल्या मानसिक त्रासातूनच आत्महत्या केली, असा मजकूर होता. पोलिसांनी लोखंडे यास धामणगाव येथून अटक केली.

न्यायालयाने त्याला दहा मार्चपर्यंत पोलिस कोठडी दिली. धामणगाव येथे एका जुन्या घरात मोठे गुप्तधन आहे; पायाळू लहान मुलीचा नरबळी दिला तरच ते धन मिळेल अशी त्याची अंधश्रद्धा होती. मंदिरात बसून तो येणाऱ्यांना जडीबुटी देऊन जवळीक साधायचा. अशातूनच त्याने ज्ञानेश्वर आहेरशी ओळख करून घेतली.लोखंडे याने आहेर दाम्पत्याला फोनवरून धमकी देणे, चिठ्ठया पाठवणे सुरू केले; तसेच आहेर दाम्पत्याकडे ‘तुमची पाच वर्षांची मुलगी माझीच आहे. ती मला देऊन टाका,’ अशी मागणी सुरू केली. बुलढाण्यातील एका वकिलामार्फत त्याने ज्ञानेश्वरला कायदेशीर नोटीसदेखील पाठवली.लोखंडे याने आहेर दाम्पत्याला फोनवरून धमकी देणे, चिठ्ठया पाठवणे सुरू केले; तसेच आहेर दाम्पत्याकडे ‘तुमची पाच वर्षांची मुलगी माझीच आहे. ती मला देऊन टाका,’ अशी मागणी सुरू केली. बुलढाण्यातील एका वकिलामार्फत त्याने ज्ञानेश्वरला कायदेशीर नोटीसदेखील पाठवली.या मानसिक त्रासातूनच ज्ञानेश्वरने गळफास घेऊन स्वतःला संपवून टाकले. लोखंडे मुलगी का मागतोय याचा उलगडा करण्यासाठी पोलिस उपनिरीक्षक राकेश नेटके यांनी कारण शोधण्याचा प्रयत्न केला. त्यातून नरबळी प्रकरण समोर आले.