निनाद अजून कसा आला नाही? कुटुंब काळजीत, रात्रीच्या काळोखात शोधाशोध, पुण्यात ६ वर्षांच्या लेकराचा बुडून मृत्यू.

चिमुकला सोसायटीच्या आतमध्ये खूप वेळ खेळत होता, मात्र बराच वेळ झाल्यानंतर चिमुकला घरी परतला आला नसल्यामुळे त्याची शोधाशोध सुरु झाली.स्विमींग पूलमध्ये पडून चिमुकल्याचा मृत्यू झाल्याची दुर्दैवी घटना समोर आली आहे. पुण्यातील धायरी भागात पार्क व्हिव सोसायटीमध्ये हृदयाचा थरकाप उडवणारा हा प्रकार घडला आहे. सोसायटीमध्ये मित्रांसोबत खेळताना स्विमिंग पूलमध्ये पडून ६ वर्षीय चिमुकल्याचा दुर्दैवी मृत्यू झाला.
निनाद गोसावी (वय ६ वर्ष) असे मृत्यू झालेल्या चिमुकल्याचे नाव आहे. काल, मंगळवारी रात्री आठ वाजताच्या सुमारास ही घटना घडली. हा चिमुकला सोसायटीच्या आतमध्ये खूप वेळ खेळत होता, मात्र बराच वेळ झाल्यानंतर चिमुकला घरी परतला आला नसल्यामुळे त्याची शोधाशोध सुरु झाली. त्यानंतर तब्बल दोन तासांनी तो चिमुकला स्विमिंग पूलमध्ये मृतावस्थेत आढळल्याने एकच खळबळ उडाली.

दुसरीकडे, यवतमाळ जिल्ह्यातील ‘हिट अँड रन’च्या दोन घटनांमध्ये दोन जणांचा मृत्यू झाल्याचे मंगळवारी समोर आले. दिग्रस-आर्णी मार्गावरील काळी गावाजवळ भारत भस्मे (वय ७३) हे बसमधून उतरून ऑटोरिक्षामध्ये बसत असताना भरधाव वाहनाने त्यांना धडक दिली. गंभीर जखमी झालेल्या भारत यांना सुरुवातीला दिग्रस येथील रुग्णालयात दाखल करण्यात आले. प्रकृती चिंताजनक झाल्याने त्यांना सावंगीच्या रुग्णालयात हलविण्यात आले. उपचारादरम्यान भारत यांचा मृत्यू झाला.त्यांचा मुलगा सुनील भस्मे यांच्या तक्रारीवरून पोलिसांनी अज्ञात वाहनचालकावर गुन्हा दाखल केला आहे. दुसरी घटना यवतमाळजवळील नागपूर-तुळजापूर राष्ट्रीय महामार्गावर घडली. निर्मला रामकृष्ण वाघमारे (वय ६०) या हॉटेलमधून काम पूर्ण करून पायी परत जात असताना अज्ञात वाहनाने त्यांना धडक दिली. त्यांचा मृत्यू झाला.बंद रस्त्याच्या बाजूला झोपलेल्या तीन मजुरांना मध्यरात्रीच्या सुमारास भरधाव अज्ञात वाहनाने चिरडल्याने त्यांचा जागीच मृत्यू झाला. जळगाव खुर्द गावाजवळील उड्डाणपुलाजवळ ही घटना घडली. सिकंदर नातूसिंग राजपूत (३०), भूपेंदर मिथीलाल राजपूत (३२, रा. बिलालपुरा, उत्तरप्रदेश) आणि योगेशकुमार राजबहादूर (१४, रा. सुभाषगंज, जि. कासगंज, उत्तरप्रदेश) अशी मृतांची नावे आहेत.