बाबांनी कधी मुंग्यांवर पावडर टाकू दिली नाही, संतोष देशमुखांचा हळवेपणा, लेक वैभवी भावूक.

मस्साजोगचे सरपंच संतोष देशमुख यांच्या हत्या प्रकरणात नवनवीन खुलासे समोर येत आहेत. त्यांच्या लेकीला वडिलांच्या हळव्या स्वभावाची आठवण झालीये. वडिलांबद्दलचा किस्सा सांगताना वैभवी देशमुख ही भावूक झाल्याचे बघायला मिळाले.मस्साजोगचे सरपंच संतोष देशमुख यांच्या हत्येनंतर दररोज वेगवेगळे खुलासे होताना दिसत आहेत. देशमुखांच्या हत्येवेळचे अत्यंत धक्कादायक आणि हैराण करणारी काही फोटो पुढे आली, ज्यानंतर राज्यात संतापाची लाट आल्याचे बघायला मिळाले. या व्हायरल होणाऱ्या फोटोंनंतर धनंजय मुंडे यांच्यावरील राजीनाम्यासाठीचा दबाव वाढला आणि मुंडेंनी मुख्यमंत्री देवेंद्र फडणवीस यांच्याकडे आपला राजीनामा दिला. धनंजय मुंडे यांचे निकटवर्तीय वाल्मिक कराड याच्यावर सुरूवातीपासूनच अनेक गंभीर आरोप केली गेली. सीआयडीच्या आरोपपत्रात मुख्य आरोपी म्हणून कराडचे नाव आहे.काल संतोष देशमुख यांच्या हत्येला तीन महिने पूर्ण झाली.

बारामतीमध्ये मोठ्या मोर्चाचे आयोजन करण्यात आले. या मोर्चाला मोठ्या संख्येने लोक उपस्थित होते, देशमुख कुटुंबिय देखील होते. यावेळी संतोष देशमुख यांची लेक वैभवी देशमुख ही बोलताना भावूक झाल्याचे बघायला मिळाले. यावेळी तिने आपले वडील किती जास्त हळव्या मनाचे होते हे सांगितले. यावेळी वैभवीच्या डोळ्यातील अश्रू थांबण्याचे नाव घेत नव्हते.वैभवी देशमुख म्हणाली की, एकदा आमच्या घरात मुंग्या झाल्या होत्या. पण माझ्या वडिलांनी आईला त्या मुंग्यांवर पावडर टाकू दिली नाही. उलट त्यांनी त्या मुंग्यांना चिकटपट्टी भिंतीवर लावून जाण्यासाठी मार्ग करून दिला. इतके जास्त हळवे आणि संवेदनशील माझे वडील होते. हा सर्व किस्सा सांगताना वैभवी देशमुख ही भावूक झाल्याचे बघायला मिळाले. वडिलांच्या न्यायासाठी लढताना वैभवी देशमुख ही दिसत आहे. यावेळी बोलताना तिने काही प्रश्नही उपस्थित केली.संतोष देशमुख यांचे भाऊ धनंजय देशमुख यांनीही काही आरोप केले आहेत. धनंजय देशमुख यांनी म्हटले आहे की, मी लवकरच मुख्यमंत्री देवेंद्र फडणवीस, उपमुख्यमंत्री एकनाथ शिंदे आणि अजित पवार यांची भेट घेणार आहे. संतोष देशमुख हत्या प्रकरणात काही पोलिस अधिकाऱ्यांना देखील सहआरोपी करा, अशी मागणी देशमुख कुटुंबियांकडून केली जात आहे. आरोपपत्रात त्या पोलिस अधिकाऱ्यांची नावे नसल्याचे त्यांनी म्हटले आहे.