हेल्मेट घातले नाही, नागपुरात कार चालकाला चालान; वाहतूक पोलिसांनी कसा घातला घोळ? डोक्याला हात माराल.

वाहनचालकांमध्ये वाहतुकीची शिस्त यावी, यासाठी वाहतुकीची नियमावली तयार करण्यात आली आहे. याची अंमलबजावणी व्हावी, यासाठी वाहतूक पोलिसांकडून विशेष मोहीम राबविण्यात येते. सुरक्षित आणि शिस्तबद्ध वाहतूक व्यवस्था राखण्यासाठी या नियमांची अंमलबजावणी होणे आवश्यक आहे. मात्र, नियम न तोडताही वाहतूक विभागाकडून चुकीचे चालान येत असल्याने वेगळीच समस्या निर्माण झाली आहे.गाडी नागपुरात असताना चालान जालन्यात झाल्याचा प्रकार पुढे आल्यानंतर आता वाहतूक शाखेच्या भोंगळ कारभाराची एकाहून एक प्रकरणे पुढे येऊ लागली आहेत. हजारीपहाड येथे राहणाऱ्या एका ज्येष्ठ नागरिकाकडे कार असून त्यांना हेल्मेट घातले नाही, असे चालान प्राप्त झाले. कुठलीही चौकशी न करता नोटीस आल्याने त्यांचा मनस्ताप वाढला आहे. अकोल्यात राहणाऱ्या एका नागरिकालाही अशीच चुकीची नोटीस प्राप्त झाली होती.वाहनचालकांमध्ये वाहतुकीची शिस्त यावी, यासाठी वाहतुकीची नियमावली तयार करण्यात आली आहे. याची अंमलबजावणी व्हावी, यासाठी वाहतूक पोलिसांकडून विशेष मोहीम राबविण्यात येते. सुरक्षित आणि शिस्तबद्ध वाहतूक व्यवस्था राखण्यासाठी या नियमांची अंमलबजावणी होणे आवश्यक आहे.

मात्र, नियम न तोडताही वाहतूक विभागाकडून चुकीचे चालान येत असल्याने वेगळीच समस्या निर्माण झाली आहे.यापूर्वी पांडे लेआउटला आणि आता हजारीपहाड येथे राहणाऱ्या ६४ वर्षीय श्याम बोबडे यांना हेल्मेट घातले नाही म्हणून कारवाईची नोटीस प्राप्त झाली. ‘वाहतूक नियमांचे उल्लंघन करून तुम्ही मोटार वाहन अधिनियमांच्या तरतुदीनुसार शिक्षापात्र व तडजोडपात्र अपराध केला. १ हजार रुपयांचा दंड भरला नाही तर न्यायालयात खटला दाखल केला जाऊ शकतो’, असा उल्लेख या नोटिशीत आहे. ही नोटीस वाचून बोबडे यांना धक्का बसला. त्यांच्याकडे कार (एमएच ३१ : सीपी २४९४) असताना त्यांना दुचाकीवर हेल्मेट घातले नाही म्हणून चालान आले. मात्र, ज्यांनी प्रत्यक्ष उल्लंघन केले ते दुचाकीचालक मोकाटच आहेत. त्यांना कुठलाही दंड ठोठावण्यात आलेला नाही.ज्या दुचाकीने उल्लंघन केले, तिचा फोटो डाउनलोड करून तपासला असता त्यावर ‘एमएच ४० सीपी २४९४’ असा नंबर आहे. वाहतूक पोलिसांनी मात्र नोटीस पाठविताना ‘एमएच ४०’ऐवजी ‘एमएच ३१’ असा उल्लेख केल्याने दुसऱ्याच व्यक्तीला ही नोटीस प्राप्त झाली.

वाहतूक पोलिसांकडून होत असलेल्या दुर्लक्षामुळे असे प्रकार वाढले असल्याचे पुढे येत आहे. काही प्रकरणांत बनावट नंबरप्लेटमुळेही घोळ होत असल्याचे तज्ज्ञांचे म्हणणे आहे. वाहतूक पोलिसांनी चालान पाठविताना खातरजमा करायला हवी. योग्य पडताळणी केली असती तर असा गोंधळ टाळता आला असता, असे जिल्हा ग्राहक तक्रार निवारण आयोगाचे माजी सदस्य अविनाश प्रभुणे म्हणाले.वयोमानाने मला आता जास्त फिरता येत नाही. त्यात हे उन्हाळ्याचे दिवस आहेत. त्यामुळे या चुकीच्या चालनामुळे होणाऱ्या मनस्तापाची भरपाई कोण देणार, असा सवाल श्याम बोबडे यांनी उपस्थित केला. अकोला येथे राहणाऱ्या गजानन रायलकर यांनाही हेल्मेट घातले नाही म्हणून जानेवारी २०२१ मध्ये अशीच नोटीस आली होती. त्यावर त्यांच्या कारचा नंबर होता. चार वर्षे त्यांना हा त्रास झाला. अखेर जानेवारी २०२५ मध्ये ही नोटीस रद्द झाली, असा अनुभव त्यांनी सांगितला.