सतीश भोसलेवर सुरेश धसांचा आर्शिवाद?, नवीन कारनामे उघड, गाडीवर चढून पाडला पैशांचा पाऊस.

 सुरेश धस यांचा जवळचा कार्यकर्ता सतीश भोसलेच्या क्रूर मारहाणीचे व्हिडीओ व्हायरल झाली आहेत. तक्रारीनंतर अखेर भोसले याच्यावर गुन्हा दाखल झालाय. मात्र, तो अजूनही फरार आहे. पोलिस त्याचा शोध घेत आहेत. आता सध्या सतीश भोसले याचे अजून काही कारनामे पुढे येताना दिसत आहेत.संतोष देशमुख यांच्या हत्येनंतर सुरेश धस हे चांगलेच आक्रमक होताना दिसले. त्यांनी अनेक गंभीर आरोप केली. आता सुरेश धस हेच अडचणीत सापडण्याची शक्यता आहे. सुरेश धस यांचा जवळचा कार्यकर्ता सतीश भोसले याचे काही व्हिडीओ व्हायरल होत आहेत. अत्यंत क्रूरपणे तो मारहाण करताना दिसतोय. हैराण करणारे म्हणजे त्याचे दोन व्हिडीओ व्हायरल झाली आहेत. आता सतीश भोसले याचे एक एक व्हिडीओ पुढे येताना दिसत आहेत. एका व्हिडीओमध्ये तर तो चक्क गाडीवर चढून पैशांची उधळण करताना दिसतोय.

दिलीप ढाकणे, महेश ढाकणे यांना क्रूरपणे मारहाण करताना सतीश भोसले व्हिडीओमध्ये यापूर्वी दिसला. तोच सतीश भोसले गाडीवर चढून चक्क पैशांची उधळण करताना दिसत आहे. हा व्हिडीओ नेमका कुठलचा आहे, हे कळू शकले नाहीये. मात्र, तो नोटा उधळताना दिसत आहे. शिरूर कासार तालुक्यामधील बावी येथे १९ फेब्रुवारी रोजी हरणाची शिकार करण्यास जाळी लावली होती. दीपक ढाकणेच्या वडिलांनी शिकारीस अडथळा केल्यामुळे सतीश भोसले आणि त्यांच्या साथीदारांनी बावी येथील या पिता-पुत्रास मारहाण केली. दीपकला बॅटने अमानुष मारहाण केली आणि महेश ढाकणे यांचे तब्बल सात ते आठ दात पाडले.याबद्दल बोलताना हा व्हिडीओ जुना असल्याचा दावा हा सुरेश धस यांनी केला. आता सतीश भोसले याचे अनेक व्हिडीओ पुढे येताना दिसत आहेत.

पोलिसांनी गुन्हा दाखल केल्यानंतर सतीश भोसले याच्या शोधासाठी दोन पथके तयार करण्यात आली. मात्र, तो अजूनही फरार आहे. सुरेश धस यांच्या आर्शिवादानेच हा सतीश भोसले सर्व चुकीचे काम करत असल्याचे सांगितले जात आहे. सुरेश धस आणि सतीश भोसले यांचे अनेक फोटो व्हायरल झाली आहेत.हेच नाही तर सतिश भोसले हा सुरेश धस यांनाच आपला बॉस मानतो. या प्रकरणावर अंजली दमानिया या चांगल्याच आक्रमक होताना दिसत आहेत. त्यांनी एक पोस्ट सोशल मीडियावर शेअर केली. दुसरीकडे सुरेश धस यांनी मान्य केले की, सतिश भोसले याला मी ओळखतो आणि तो कधी कधी माझ्याकडे येतो. पण तो माझ्या मागे काय करतो हे थोडी मला माहिती. सतीश भोसले याच्या व्हायरल होणाऱ्या फोटोनंतर त्याच्यावर टीका केली जात आहे.