मराठी शिकलं पाहिजे असं काही नाही! वाद होताच भय्याजी जोशींची ‘भाषा’ बदलली, आता म्हणतात…

मुंबईची कोणतीही एक भाषा नसून अनेक भाषा आहेत. मुंबईत येणाऱ्या व्यक्तीनं मराठी शिकलं पाहिजे असं काही नाही, असं विधान करुन राष्ट्रीय स्वयंसेवक संघाचे वरिष्ठ नेते यांनी वाद ओढवून घेतला आहे.मुंबईची कोणतीही एक भाषा नसून अनेक भाषा आहेत. मुंबईत येणाऱ्या व्यक्तीनं मराठी शिकलं पाहिजे असं काही नाही, असं विधान करुन राष्ट्रीय स्वयंसेवक संघाचे वरिष्ठ नेते यांनी वाद ओढवून घेतला आहे. त्यानंतर विरोधकांनी जोशींना लक्ष्य केलं. जोशींनी माफी मागण्याची मागणी झाली. त्यानंतर जोशी यांनी स्पष्टीकरण दिलं आहे. माझ्या विधानामुळे गैरसमज झाल्याचं जोशी यांनी म्हटलं आहे.’मी केलेल्या एका विधानामुळे गैरसमज झालेला आहे, असं मला वाटतं. महाराष्ट्राची भाषा मराठी आहे आणि मुंबई ही महाराष्ट्राचाच भाग आहे. त्यामुळे मुंबईची भाषा मराठी याबद्दल दुमत असण्याचं कारण नाही. भारताचं आपलं एक वैशिष्ट्य आहे की इथे विविध भाषा बोलणारे लोकसुद्धा परस्परांना बरोबर घेऊन चालतात. त्यात कुठेही भाषेमुळे प्रश्न निर्माण होत नाही. हे जगासमोर एक आदर्श उदाहरण आहे, असं संघाचे वरिष्ठ पदाधिकारी असलेले जोशी म्हणाले.

‘मुंबईत बहुभाषिक लोक आहेत. हे सगळे सहअस्तित्त्वानं, परस्परांशी स्नेहसंबंध ठेवून मुंबईचं जीवन चालतंय आणि त्यामुळे स्वाभाविकपणे आमच्या सर्वांची अपेक्षा राहते की बाहेरुन येणाऱ्या व्यक्तीनं आपल्या भाषेबरोबरच मराठी भाषा त्यानं समजून घ्यावी. तिचं अध्ययन करावं, ती शिकावी. सांस्कृतिकदृष्ट्या समृद्ध अशी आपली मराठी भाषा आहे. ती अनेकांनी अभ्यासावी अशीच आमची अपेक्षा आहे, इच्छा आहे. मला असं वाटतं की एवढचं स्पष्टीकरण पुरेसं आहे,’ असं जोशी यांनी म्हटलं. ‘माझ्या विधानावरुन होत असलेल्या राजकारणाबद्दल मी काही बोलू इच्छित नाही. तो माझा विषय नाही,’ असं ते पुढे म्हणाले.मुंबईतील एका कार्यक्रमात बोलताना जोशी यांनी मुंबई आणि मराठी भाषेबद्दल वादग्रस्त विधान केलं. त्यामुळे राज्यातील वातावरण तापलं. विरोधकांनी यावरुन सरकारला घेरलं. ‘मुंबईची कोणतीही एक भाषा नसून अनेक भाषा आहेत. वेगवेगळ्या भाषात वेगवेगळी भाषा असते. जशी घाटकोपर परिसराची भाषा गुजराती, त्याचप्रमाणे गिरगावात हिंदी बोलणारे कमी सापडतील. तिथे तुम्हाला मराठी भाषा बोलणारे लोक दिसतील. मुंबईत येणाऱ्या व्यक्तीनं मराठी शिकलं पाहिजे असं काही नाही,’ असं विधान जोशींनी पूर्व मुंबईतील विद्याविहारमध्ये आयोजित एका कार्यक्रमात केलं. त्यामुळे आज चांगलाच गदरोळ झाला. हा विषय विधिमंडळाच्या अर्थसंकल्पीय अधिवेशनातही गाजला.