संस्थेला भेट दिली, रेल्वे स्थानकावर गेले अन् प्राध्यापकांनी जीवन संपवलं.

अलिबाग येथील एस.एम.कॉलेजचे माजी प्राध्यापक आणि जन शिक्षण संस्थेचे माजी अध्यक्ष अविनाश ओक यांनी जीवन संपवल्याची घटना समोर येते आहे.अलिबाग येथील जे.एस.एम कॉलेज चे निवृत्त प्राध्यापक व जन शिक्षण संस्था रायगडचे माजी अध्यक्ष अविनाश मनोहर ओक यांनी बुधवार दि.५ रोजी दुपारी २ च्या सुमारास पेण रेल्वे स्टेशन येथे धावत्या रेल्वे समोर उडी मारून आत्महत्या केली. अविनाश ओक यांच्या आत्महत्यामुळे अलिबाग व माणगाव तालुक्यासह रायगड जिल्ह्यात खळबळ उडाली आहे.या घटनेनंतर माजी खासदार किरीट सोमय्या हे पेण उप जिल्हा रुग्णालयामध्ये दाखल झाले. किरीट सोमय्या हे प्राध्यापक अविनाश ओक यांचे चुलत मेहुणे लागत आहेत.
निवृत्त प्राध्यापक अविनाश ओक हे पेण येथील आई डे केअर या संस्थेत भेट देण्यासाठी आले होते. यानंतर ते स्वतःच्या गाडीने निघून गेले, जाताना त्यांनी स्वतःची गाडी रेल्वे स्टेशनच्या समोर दुपारी दोन च्या सुमारास उभी करून स्थानकात येणाऱ्या रेल्वे समोर उडी मारून आत्महत्या केल्याचे समजून येत आहे.

या घटनेमुळे अविनाश ओक यांचे मूळ गाव तालुका माणगाव व सध्या राहण्याचे ठिकाण गोंधळ पाडा वेश्वी तालुका अलिबाग येथे शोककळा पसरली आहे.सदर घटनेचा वृत्त समजताच माजी खासदार किरीट सोमेय्या हे उपजिल्हा रुग्णालयात दाखल झाले होते व त्यांनी पेण पोलिसांकडून घटनेची माहिती घेतली. यानंतर अविनाश ओक यांचे मृतदेह अलिबाग येथील राहत्या घरी रात्री उशिरा पाठवण्यात आले.प्राध्यापक अविनाश ओक यांच्या आत्महत्याची चिट्ठी मृत्यूनंतर घटनास्थळी पोलिसांना त्यांच्या शर्टाच्या खिशात सापडली आहे. या चिट्ठीत ‘ मी आत्महत्या करत आहे मृत्यूस कोणासही जबाबदार धरू नये ‘ अशाप्रकारे लिहिलेली चिट्ठी सापडली आहे.प्राध्यापक अविनाश ओके हे मूळ माणगाव येथे राहणारे असून त्यांचे वडील प्रसिद्ध वकील (आबा) मनोहर ओक होते. प्राध्यापक अविनाश ओके अलिबाग येथे कामानिमित्ताने स्थायिक झाले होते. अलिबाग येथील जे.एस.एम कॉलेज येथे राज्यशास्त्र या विषयाचे ते प्राध्यापक होते. याच दरम्यान त्यांनी जनशिक्षण संस्था रायगड अध्यक्ष पद भूषविले होते. तर त्यांच्या पत्नी अलिबाग येथील कमळ नागरी संस्थेच्या संचालक आहेत. एकूणच प्राध्यापक अविनाश ओक यांचा सामाजिक शैक्षणिक व सहकार क्षेत्रात मोठे कार्य होतं.