आधी अल्पवयीन मुलीवर अत्याचार, नंतर आई वडिलांनाही मारहाण; पोलिसांनी नराधमाला ठोकल्या बेड्या.

स्वारगेटच्या घटनेने राज्य हादरलं आहे. ही घटना ताजी असताना नांदेड जिल्ह्यात धक्कादायक घटना घडली आहे. एका अल्पवयीन मुलीचा लैंगिक छळ करण्यात आला. इतकेच नाही तर या कृत्यास विरोध करणाऱ्या मुलीच्या आई-वडिलांनाही मारहाण करण्यात आल्याची धक्कादायक घटना घडली आहे.राज्यात महिला आणि मुलीवर अत्याचाराच्या घटनेत वाढ होत आहे. स्वारगेटच्या घटनेने राज्य हादरलं आहे. ही घटना ताजी असताना नांदेड जिल्ह्यात धक्कादायक घटना घडली आहे. एका अल्पवयीन मुलीचा लैंगिक छळ करण्यात आला. इतकेच नाही तर या कृत्यास विरोध करणाऱ्या मुलीच्या आई-वडिलांनाही मारहाण करण्यात आल्याची धक्कादायक घटना घडली आहे.

त्यानंतर पुन्हा बोलत का नाहीस, म्हणून जीवे मारण्याची धमकी देखील दिली. याप्रकरणी रामतीर्थ पोलिसांनी तीन आरोपींवर अॅट्रासिटीसह पोस्कोचा गुन्हा दाखल केला आहे. तर आरोपींना बेड्या ठोकण्यात आल्या आहेत.जिल्ह्यातील नायगाव तालुक्यातील नरसी येथे हा संतापजनक प्रकार घडला आहे. नरसीमधील शामनगर येथील संशयित आरोपी अरवाज शेख हा गेल्या काही दिवसांपासून पीडित अल्पवयीन मुलीशी छेडछाड करत होता. तू माझ्याशी बोलत का नाहीस म्हणून घर ते शाळेपर्यंत पाठलागही करायचा. यानंतर पेपर सुटल्यानंतर ज्यूस सेंटरमध्ये बसून फोटो काढून लैंगिक छळ देखील केला आहे. या प्रकाराचा पीडित मुलीच्या आई-वडिलांनी आरोपीस जाब विचारला. तेव्हा आरोपीच्या आई व बहिणीने मुलीच्या आई वडिलांस लाथा बुक्क्यांनी मारहाण करून जखमी केले.

तर एवढ्यावरच न थांबता, तू माझ्याशी न बोलल्यास तोंडावर अॅसिड टाकून जिवंत मरण्याची धमकीही आरोपीने दिली आहे. यासंदर्भात पीडित मुलीने पोलिसांत तक्रार दाखल केली.मुलीच्या तक्रारीची अरबाज अजिज शेख, ममताज, तब्बु (रा. सर्व शामनगर नरसी ता. नायगाव) यांच्याविरोधात रामतीर्थ पोलिसांत पोस्को, अनुसूचित जाती जमाती प्रतिबंधक कायदा आणि मारहाण करणे या कलमानुसार गुन्हा दाखल करण्यात आला आहे. दरम्यान, मुख्य आरोपीस अटक करण्यात आली असून त्यास सोमवारी बिलोली येथील सत्र न्यायालयात हजर केले जाणार आहे. या घटनेने नायगावात संताप व्यक्त केला जात आहे.