‘लाखोंच्या कर्जाचं ओझं, तरीही लॅविश लाईफचा मोह’ हेच ५ हत्यांना कारणीभूत ठरलं; २३ वर्षीय आरोपीने दिली कबुली.

केरळमधील वेंजरमुडू येथील रहिवासी असलेल्या अफानने जवळच्या पाच माणसांची निर्घृणपणे हत्या केली होती. पण त्याने असे का केले? हा प्रश्न साऱ्या केरळवासीयांना पडला होता. केरळ पोलिसांना या प्रश्नाचे उत्तर आता सापडले आहे.केरळमधील वेंजरमुडू येथील रहिवासी असलेल्या अफानने जवळच्या पाच माणसांची निर्घृणपणे हत्या केली होती. पण त्याने असे का केले? हा प्रश्न साऱ्या केरळवासीयांना पडला होता. केरळ पोलिसांना या प्रश्नाचे उत्तर आता सापडले आहे. २३ वर्षीय अफानने त्याच्या कुटुंबातील चार सदस्य आणि त्याच्या प्रेयसीची हत्या केली होती. पोलिसांच्या माहितीनुसार, अफानवर १० लाखांचे कर्ज होते आणि यासाठी त्याला दररोज व्याजासहित १० हजार रुपये फेडावे लागत होते. ज्यामुळे त्याच्या कुटुंबीयांवर ७५ लाख रुपयांच्या कर्जाचं ओझं होतं. या ओझ्याखाली दबलेल्या अफानने हे भयंकर पाऊल उचलले आहे. हत्येनंतर त्याने त्याच्या आजीचे दागिने गहाण ठेवले आणि आपले कर्ज फेडले. नंतर त्याने उंदीर मारण्याचे विष प्राशन करून आत्महत्या करण्याचा प्रयत्न केला पण नंतर त्याने स्वत:च पोलिसांसमोर आत्मसमर्पण केले.

पोलिसांनी सांगितले की, अफानने त्याची ९५ वर्षीय आजी सलमा बीवी, अब्दुल लतीफ, त्याची ५७ वर्षीय पत्नी साजिदा बेगम, धाकटा भाऊ अफसान आणि प्रेयसी फरसाना यांची निर्घृणपणे हत्या केली. एवढेच नाहीतर त्याने आपल्या आईलाही मारण्याचा प्रयत्न केला, पण त्या बचावल्या. आपली आई मरण पावली असे समजून तेथून निघून गेला. पोलिसांनी असेही नमूद केले की, अफानने चार वेगवेगळ्या लोकांकडून १० लाख रुपये उधार घेतले होते. या कर्जामुळे त्याला दररोज १० हजार रुपयांचा हप्ता भरावा लागत होता. अफानच्या आई शमीने घर गहाण ठेवून कर्ज घेतले होते. ते फेडू न शकल्याने बँकेने घराचा ताबा घेतला होता. कुटुंबावर एकूण ७५ लाख रुपयांच्या कर्जांचं बोझं वाढलं. यावरून कुटुंबात वारंवार खटके उडालचे. या आर्थिक अडचणींसाठी नातेवाईकांनी अफानची उधळपट्टी आणि आखाती देशांमध्ये त्याचा अयशस्वी ठरलेला व्यवसायाला जबाबदार धरले.पोलिस पुढे सांगितले की, अफानच्या मानसिक स्थितीची तपासणी करण्यासाठी एक मानसोपचार तज्ज्ञांचा पॅनेल तयार केला जाणार आहे. या हत्येमागे ‘डार्क वेब’चा काही प्रभाव होता का, याची चौकशी पॅनेल कडून केली जाईल. एका पोलिस अधिकाऱ्याने सांगितले की, अफान हा ड्रग्ज व्यसनी नव्हता किंवा व्यावसायिक खुनीही नव्हता. तर हत्या झालेले देखील त्याचे शत्रू नव्हते, तर त्याचे जवळचे नातेवाईक आणि प्रेयसी होते. तरीही त्याने इतका भयंकर गुन्हा का केला? आतापर्यंतच्या तपासात असेच समोर येतेय की, अफानने आर्थिक अडचणींमुळे त्याने हा खून केला आहे.आईवर हल्ला केल्यानंतर, अफान थेट वेंजरमुडूमधील एका बारमध्ये गेला आणि तिथे सुमारे १० मिनिटे घालवली. दोन पेग प्यायल्यानंतर त्याने अर्धी बाटली दारूही विकत घेतली. त्यानंतर तो त्याची आजी सलमा बीवीकडे गेला आणि तिला मारले. त्याने तिची अडीच तोळ्याची सोन्याची साखळी लुटली आणि ती एका फायनान्स कंपनीकडे ७४ हजारांना गहाण ठेवली. त्याने एका खात्यात ३८ हजार रुपये ट्रान्सफर केले आणि नंतर उर्वरित तीन इतर कर्जदारांना प्रत्येकी २ हजार ५०० रुपये ट्रान्सफर केले. यानंतर त्याने त्याच्या काका-काकू, प्रेयसी आणि धाकट्या भावाची एकामागून एक हत्या केली. तिच्या आईची श्री गोकुलम मेडिकल कॉलेज रुग्णालयात प्रकृती स्थिर आहे. त्यांचे हे विधान तपासात महत्त्वाचे ठरू शकते. अफान सध्या मेडिकल कॉलेज रुग्णालयात निरीक्षणाखाली आहे आणि गुरुवारी त्याला डिस्चार्ज मिळू शकतो.