धरणगाव येथे चामुंडा माता मंदिराची दानपेटी फोडली.

पिंप्री खुर्द ता.धरणगाव येथे चामुंडा माता मंदिर दानपेटी फोडली.

धरणगाव तालुका प्रतिनिधी – राजु बाविस्कर,

पिंप्री खुर्द येथे दिनांक २४ जुलै २०२४ वार बुधवार रोजी मध्यरात्री अज्ञात चोरट्यांनी चामुंडा माता मंदिराचा मुख्य दरवाजाचा कडीकोंडा तोडून मंदिराच्या आत प्रवेश केला व तिथे मंदिरात असलेली दानपेटीचे कुलूप तोडून त्यामधली रोकड लंपास केली. सदर प्रकार मंदिराचे ज्येष्ठ मार्गदर्शक ह.भ.प.श्री.देविदास गुलाब बडगुजर उर्फ देवा महाराज हे सकाळी पूजा करायला गेले असता लक्षात आला.त्यांनी लागलीच चामुंडा माता मंदिराचे ट्रस्टी,मार्गदर्शक तसेच समाजबांधवांना या बाबतीत माहिती दिली . माहिती प्राप्त झाल्यानंतर चामुंडा माता मंदिराचे ट्रस्टी यांनी पोलिस पाटील गोपाल बडगुजर यांना सादर घटनेबाबत कळविले त्यांनी या बाबतीत लागलीच धरणगाव पोलीस स्टेशनला खबर दिली. सदर दानपेटीतील १२ ते १३ हजार रुपये गेल्याचा अंदाज आहे. शेवटचे वृत्त हाती आले तेव्हा धरणगाव पोलीस स्टेशनला अज्ञात चोरट्या विषयी व घटनेची माहिती देण्यासाठी प्रक्रिया सुरू असल्याचे कळते.