पप्पांनी मम्मीला मारलं अन् मग…; चिमुरडीनं चित्र काढलं; रहस्यमय मृत्यूचं गूढ उलगडलं.

उत्तर प्रदेशच्या झाशीमध्ये एक हृदयद्रावक घटना घडली आहे. एका ४ वर्षांच्या मुलीनं तिच्या आईच्या हत्येचं गूढ उकललं आहे. पंचवटी शिव परिवार वसाहतीत राहणाऱ्या २७ वर्षीय सोनाली बुधेलियाचा संशयास्पद स्थितीत मृत्यू झाला.उत्तर प्रदेशच्या झाशीमध्ये एक हृदयद्रावक घटना घडली आहे. एका ४ वर्षांच्या मुलीनं तिच्या आईच्या हत्येचं गूढ उकललं आहे. पंचवटी शिव परिवार वसाहतीत राहणाऱ्या २७ वर्षीय सोनाली बुधेलियाचा संशयास्पद स्थितीत मृत्यू झाला. सोनालीनं आत्महत्या केल्याचा दावा तिचा पती संदीप बुधेलियानं केला. पण बुधेलिया दाम्पत्याच्या ४ वर्षीनं मुलीनं काढलेल्या एका चित्रानं रहस्यमयी घटनेमागचं सत्य समोर आलं.४ वर्षांच्या मुलीनं एका साध्या कागदावर चित्र काढलं. वडील आईला कशा प्रकारे मारतात, त्याचं चित्र चिमुरडीनं काढलं. त्यानंतर तिनं पोलिसांना जबाब दिला. संदीपनं सोनालीची गळा दाबून हत्या केली. त्यानंतर तिला लटकवलं, याचा उलगडा चिमुरडीच्या जबाबातून झाला. सोनालीचा मृतदेह सापडल्यानंतर तिच्या माहेरच्यांनी पती आणि सासरच्या लोकांवर हत्येचा आरोप केला होता. त्यामुळे पोलिसांनी मृतदेह ताब्यात घेऊन तो शवविच्छेदनासाठी पाठवला आणि तपास सुरु केला.

शवविच्छेदनानंतर सोनालीच्या माहेरच्यांनी तिच्या पार्थिवावर बडागाव परिसरात अंत्यविधी केले. यावेळी सोनालीच्या पतीला तिच्या कुटुंबियांनी हाकलून दिलं. सोनालीच्या भावानं सगळे अंत्यविधी केले. तर ४ वर्षीय दृश्यतानं आईला पार्थिवाला मुखाग्नी दिला. चिमुकल्या दृश्यताला अग्नी देताना पाहून सगळ्यांचेच डोळे पाणावले.अंत्यसंस्कारानंतर सोनालीच्या चिमुकल्या लेकीनं काढलेले उद्गार महत्त्वाचे ठरले. ‘मी मम्माच्या पार्थिवावर अंत्यसंस्कार केले. कारण पप्पा आले नव्हते. पप्पांनी आईला मारलं. त्यामुळे ते आले नाहीत. पोलीस त्यांना शोधून जेलमध्ये टाकतील,’ असं दृश्यता म्हणाली.यानंतर दृश्यतानं पोलिसांना महत्त्वाची माहिती दिली. सोबतच कागदावर एक चित्रही काढलं. ते चित्र पाहून पोलिसांना धक्काच बसला. त्यात आई फासावर लटकत होती. या फासाजवळ एका व्यक्तीचा हात होता. हा हात कोणाचा आहे, असा प्रश्न पोलिसांनी दृश्यताला विचारला. त्यावर पप्पांचा असं उत्तर तिनं दिलं. पप्पांनी आधी मम्माला मारलं आणि मग तिला फासावर लटकवलं, असं दृश्यतानं पोलिसांना सांगितलं.शवविच्छेदन अहवाल आल्यानंतर सोनालीचा पती संदीप बुधेलियाला अटक करण्यात आली. त्याची चौकशी करण्यात आली. सोनालीसोबत सतत वाद व्हायचे. त्यातूनच तिनं गळफास लावून आत्महत्या केली, असा दावा संदीपनं केला. सोनाली आणि संदीपचा विवाह २०१९ मध्ये झाला होता. त्यावेळी सोनालीच्या कुटुंबानं संदीपला २० लाख रुपये, अंगठी आणि साखळी दिली होती. लग्नाच्या दिवशीच सासरच्यांनी वाद घातला होता. पण नातेवाईकांमुळे वाद शमला. यानंतर संदीप आणि त्याचं कुटुंब कारची मागणी करत होतं. पण ही मागणी पूर्ण करण्यास सोनालीच्या कुटुंबानं असमर्थता दर्शवली.