भीमसेनेच्या नेत्याला भर चौकात महिलेने दिला चपलीचा चोप, सोशल मीडियावर आक्षेपार्ह पोस्ट आणि विनयभंग केल्याचा आरोप.

पंकज अतुलकर वादात अडकण्याची ही पहिलीच वेळ नाही. गेल्या वर्षी त्यांनी माजी सरन्यायाधीश डीवाय चंद्रचूड यांना जीवे मारण्याची धमकी दिली होती. या प्रकरणात त्यांना तुरुंगातही जावे लागले होते.मध्य प्रदेशमधील बैतुल जिल्ह्यात एका महिलेने भीमसेना नेते पंकज अतुलकर यांना चप्पलने मारहाण केली आहे. महिलेने त्यांच्यावर विनयभंगाचा आरोप करत त्यांना एसपी ऑफिसमध्ये घेऊन गेली. या घटनेचा व्हिडिओ सोशल मीडियावर देखील व्हायरल होत आहे.ही घटना शनिवारी संध्याकाळी गंज पोलिस स्टेशन परिसरात बैतुल शहरातील कॉलेज चौकात घडली. या घटनेनंतर, महिला आणि पंकज अतुलकर दोघांनीही एकमेकांविरुद्ध तक्रारी दाखल केल्या आहेत. पंकजने तिचा विनयभंग केल्याचा आरोप महिलेने केला आहे. तर, हा जमिनीच्या वादाशी संबंधित विषय असल्याचे पंकज अतुलकर यांचे म्हणणे आहे. पंकज अतुलकर रस्त्याच्या कडेला फोनवर बोलत असल्याचे सांगण्यात आले, तेव्हा ती महिला तिच्या पती आणि मुलासह तिथे पोहोचली.

या संभाषणाचे रूपांतर वादात झाले आणि रागाच्या भरात महिलेने त्यांना चप्पलने मारहाण केली.यानंतर ती महिला त्याला एसपी ऑफिसमध्ये घेऊन गेली. गंज पोलिस ठाण्याचे उपनिरीक्षक इरफान कुरेशी यांनी माहिती दिली की, दोन्ही पक्षांनी तक्रारी दाखल केल्या आहेत. पोलिसांनी विविध कलमांखाली घटनेसंदर्भात गुन्हा दाखल करून पुढील तपास सुरू केला आहे. महिलेने सांगितले की पंकजने सोशल मीडियावर पोस्ट करून तिला संभाषणासाठी बोलावले होते. भेटीदरम्यान, त्याने तिच्याशी गैरवर्तन केले आणि तिचा विनयभंग केला, ज्यामुळे ती संतापली आणि त्याला मारहाण केली.दुसरीकडे, पंकज यांनी हे आरोप फेटाळून लावले. आणि ते म्हणाले , की श्रद्धा राठोड आणि तिचे कुटुंब भू-माफियासारखे काम करतात. ते निष्पाप लोकांना अडकवतात आणि त्यांची जमीन बळकावतात.

पंकज म्हणाले की त्यांनी याला विरोध केला. त्यानंतर महिलेने आणि तिच्या कुटुंबाने मिळून हे नाटक रचले. पंकजने आरोप केला की, महिलेने जाणूनबुजून बदनामी करण्यासाठी त्याला सार्वजनिक ठिकाणी मारहाण केली.महिलेच्या तक्रारीवरून पोलिसांनी पंकज अतुलकर यांच्याविरुद्ध विनयभंगाचा गुन्हा दाखल केला आहे. पंकजच्या तक्रारीवरून, महिला, तिचा पती आणि मुलाविरुद्ध एससी/एसटी कायद्याअंतर्गत आणि मारहाणीचा गुन्हा दाखल करण्यात आला आहे. दोन्ही पक्षांच्या तक्रारींची सखोल चौकशी केली जात असल्याचे तपास अधिकाऱ्यांनी सांगितले.पंकज अतुलकर वादात अडकण्याची ही पहिलीच वेळ नाही. गेल्या वर्षी त्यांनी माजी सरन्यायाधीश डीवाय चंद्रचूड यांना जीवे मारण्याची धमकी दिली होती. या प्रकरणात त्यांना तुरुंगातही जावे लागले होते.