रिव्हर्स घेताना पिकअपने चिरडलं, नवी मुंबईत आईसोबत चालणाऱ्या ४ वर्षांच्या चिमुकलीचा करुण अंत.

 नायला खान ही बुधवारी सकाळी १०.३० वाजण्याच्या सुमारास आईसोबत दवाखान्यात पायी जात असताना अपघात झाला.

पिकअप टेम्पो चालकाच्या निष्काळजीपणामुळे चार वर्षांच्या बालिकेला प्राण गमवावा लागला आहे. टेम्पोच्या मागील चाकाखाली चिरडून नायला खान या बालिकेचा मृत्यू झाल्याची घटना बुधवारी सकाळी उलवेतील खारकोपर येथे घडली.नायला खान ही बुधवारी सकाळी १०.३० वाजण्याच्या सुमारास आईसोबत दवाखान्यात पायी जात होती. यावेळी खारकोपर गाव येथून उलवे सेक्टर-८च्या दिशेने जाणाऱ्या महिंद्रा पिकअप चालकाने वाहन निष्काळजीपणाने मागे (रिव्हर्स) घेतले.यावेळी नायला हिला पिकअपची जोरदार धडक बसली. ती पिकअपच्या चाकाखाली आल्याने तिचा जागीच मृत्यू झाला. या अपघातानंतर उलवे पोलिसांनी या अपघाताला कारणीभूत ठरलेल्या पिकअप टेम्पो चालकाविरुद्ध गुन्हा दाखल करून त्याला ताब्यात घेतले.