पुण्यातील घटनेने खळबळ, गर्लफ्रेण्डकडून ब्रेकअप, बॉयफ्रेण्डचं सटकलं टाळकं, थेट तिच्या…

पुण्यात रामटेकडी येथे प्रियकराने प्रेयसीच्या ब्रेकअपनंतर तिच्या दोन वाहनांची जाळपोळ केली. आरोपी अमजद पठाण याला पोलिसांनी ताब्यात घेतले आहे. तसेच जनता वसाहतीमध्ये दोन गटांतील वादामुळे ५०हून अधिक वाहनांची तोडफोड करण्यात आली. त्यामुळे स्थानिक नागरिकांना नुकसान सहन करावे लागले आहे. या घटनांमुळे पुण्यात सर्वत्र चर्चा सुरू आहे.

विद्येचं माहेरघर आणि सांस्कृतिक राजधानी म्हणून ओळखल्या जाणाऱ्या पुण्यामधून एक धक्कादायक बातमी समोर आली आहे. पुणे प्रियसी सोबत झालेल्या ब्रेकअपनंतर पुण्यात प्रियकराने प्रेयसीची दोन वाहने पेट्रोल टाकून जाळली. पुण्यातील रामटेकडी येथील धक्कादायक प्रकार ‌घडला आहे. अमजद पठाण असे प्रेयसीच्या वाहनांची जाळपोळ करणाऱ्या आरोपी प्रियकराचे नाव आहे. पठाण याचे त्याच्या परिसरात असणाऱ्या एका महिलेसोबत प्रेम संबंध होते. परंतु काही दिवसापासून त्याची प्रेयसी त्याला बोलत नव्हती. यामुळे चिडलेल्या पठाण यांनी घरासमोर असलेल्या दोन गाड्या या पेट्रोल टाकून आज पहाटेच्या सुमारास दिल्या पेटवून दिल्या. याप्रकरणी आरोपी अमजद पठाण याला पोलिसांनी ताब्यात घेतले असून त्याच्यावर गुन्हा दाखल करण्याची प्रक्रिया सुरू आहे. या घटनेची पुण्यात सर्वत्र चर्चा होत आहे.पुणे येथील जनता वसाहतीमध्ये ५०हून अधिक वाहनांची तोडफोड करण्यात आली. दोन गटांतील जुन्या वादातून ही तोडफोड झाल्याची माहिती समोर आली आहे. मध्यरात्री अडीच वाजता ही तोडफोड झाली. टोळक्याचा भांडणाचा सर्वसामान्य लोकांना नाहक त्रास सहन करावा लागत आहे. हजारो रुपयांचा फटकाही नागरिकांना बसला. पाच ते सह जणांना तब्बल ४० टु-व्हिलर आणि फोर व्हिलर फोडल्या. तलवार, कोयता आणि बांबूने गाड्यांची तोडफोड केली आहे. या प्रकरणी पर्वती पोलिस ठाण्यात गुन्हा दाखल करण्यात आला आहे. २८ जानेवारीला मध्यरात्रीनंतर पुन्हा अज्ञातांनी जनता वसाहतीत सुमारे १० वाहनांची तोडफोड केल्याची घटना घडली.जनता वसाहतीत पहिल्या दिवशी झालेली तोडफोड दत्त मंदिर ते विठ्ठल मंदिर या दरम्यानच्या रस्त्यावर झाली होती. विठ्ठल मंदिर परिसरात वाडकरचे घर आहे. दुसऱ्या दिवशी झालेली तोडफोड जय भवानीनगराच्या दिशेला झाली आहे. तेथे जवळच चॉकलेट सुन्याचे घर आहे. वाहन तोडफोडीच्या घटनांनंतर जनता वसाहतीत ‘व्हिजिबल पोलिसिंग’ साठी तात्पुरते पोलिस तपासणी केंद्र उभे केले होते. मात्र, दुसऱ्याच दिवशी ते गुंडाळण्यात आले. त्यामुळे स्थानिक पोलिसांनी या घटना गांभीर्याने घेतल्या नाहीत का, असा प्रश्न उपस्थित होतो.