वडिलांच्या मृत्यूनंतर लाडक्या लेकीनेही घेतलं पेटवून; बापलेकीवर एकाच वेळी अंत्यसंस्कार, नाशिकमधील घटना.

 घराच्या हॉलमध्ये भाऊ व मोठी बहीण नातेवाइकांशी बोलत असताना प्रीतीने खोलीत जाऊन घरात असलेले रॉकेल स्वत:च्या अंगावर ओतून घेतले आणि स्वत:ला पेटवून घेतले. ही घटना तिच्यासोबत असलेल्या बहिणीच्या आठवर्षीय मुलीने पाहिली.बिटको रुग्णालयात वडिलांचे निधन झाल्याची बातमी समजताच तरुण मुलीने स्वत:ला पेटवून घेत आत्महत्या केल्याची घटना जेलरोड येथे घडली. वडील व मुलीवर एकाच वेळी अंत्यसंस्कार करण्यात आले. या घटनेबद्दल हळहळ व्यक्त होत आहे.

उपनगर पोलिसांनी दिलेल्या माहितीनुसार, जेलरोड येथील ब्रह्मगिरी सोसायटीत मारुती वाघमारे हे पत्नी, मुलगा, एक विवाहित व एका अविवाहित मुलीसह राहत होते. मोठी मुलगी दसक परिसरात राहते. तिच्या घराचे बांधकाम सुरू असल्यामुळे ती आठ वर्षांच्या मुलीसह माहेरी राहात होती. गुरुवारी मारुती वाघमारे यांची प्रकृती अचानक खालावली. त्यामुळे त्यांचा मुलगा सचिन वाघमारे याने त्यांना ताबडतोब बिटको रुग्णालयात दाखल केले. मात्र, उपचार सुरू असताना वाघमारे यांचे निधन झाल्याचे डॉक्टरांनी घोषित केले. ही वार्ता घरी समजल्यानंतर हलकल्लोळ माजला. यावेळी विवाहित मुलगी आणि मुलगा फोनवरून नातेवाइकांना वडिलांच्या निधनाची बातमी सांगत होते. मात्र, वडिलांच्या निधनाची बातमी ऐकून अविवाहीत मुलगी प्रीती वाघमारे (वय २९) हिला मोठा धक्का बसला.घराच्या हॉलमध्ये भाऊ व मोठी बहीण नातेवाइकांशी बोलत असताना प्रीतीने खोलीत जाऊन घरात असलेले रॉकेल स्वत:च्या अंगावर ओतून घेतले आणि स्वत:ला पेटवून घेतले. ही घटना तिच्यासोबत असलेल्या बहिणीच्या आठवर्षीय मुलीने पाहिली. तिने आरडाओरड करून बाहेर येऊन आईला व मामाला ही घटना सांगितली. तोपर्यंत प्रीतीला आगीने वेढले होते.भाऊ सचिनने तिला उपचारांसाठी बिटको रुग्णालयात दाखल केले. मात्र, जास्त डॉ. धनवटे यांनी तिला तपासून मृत घोषित केले. आधीच वडिलांचे निधन, त्यातच बहिणही गेल्याने एकच आक्रोश झाला. सायंकाळी वडिलांसह मुलीचीही अंत्ययात्रा एकाचवेळी काढण्यात आली. दोघांवर दसक येथील स्मशानभूमीत अंत्यसंस्कार करण्यात आले. उपनगर पोलिस ठाण्यात नोंद करण्यात आली. पुढील तपास वरिष्ठ निरीक्षक जितेंद्र सपकाळे यांच्या मार्गदर्शनाखाली उपनिरीक्षक त्र्यंबकगीर गोसावी हे करीत आहेत.