Rajendra Nikam
महाविकास आघाडीतील शिवसेना (उद्धव बाळासाहेब ठाकरे) पक्षाच्या नगरसेविका श्रुती राकेश वर्धम फुटल्याने कुडाळची नगरपंचायत महायुतीच्या ताब्यात गेली आहे.शिवसेना आमदार निलेश राणे यांचं स्वप्न अखेर पूर्ण झालं असून आमदार झाल्यानंतर कुडाळ नगरपंचायतीत सत्ताबदल झाला आहे. कुडाळ नगरपंचायतीच्या नगराध्यक्षपदी अखेर प्राजक्ता बांदेकर-शिरवलकर यांची निवड झाली आहे. विधानसभा निवडणुकीनंतर स्थानिक स्वराज्य संस्थांच्या निवडणुका लक्षात घेत महायुतीचे कोकणातील युवा नेते सध्या ॲक्शन मोडवर आहेत. याचाच भाग म्हणून सिंधुदुर्ग जिल्ह्यातील कुडाळ नगरपंचायतीवर महायुतीमधील एकनाथ शिंदे यांच्या शिवसेनेचा भगवा फडकला आहे. महाविकास आघाडीतील शिवसेना (उद्धव बाळासाहेब ठाकरे) पक्षाच्या नगरसेविका श्रुती राकेश वर्धम फुटल्याने कुडाळची नगरपंचायत महायुतीच्या ताब्यात गेली आहे.तळकोकणातून ठाकरे गटाला सुरुंग लावण्यास आमदार निलेश राणे यांनी सुरुवात केली आहे. कोकणात येत्या काही दिवसात महाविकास आघाडीतून महायुतीत मोठ्या प्रमाणात पक्षप्रवेश होणार असल्याची माहिती आहे. याचाच भाग म्हणून रत्नागिरी येथे मंत्री उदय सामंत आणि आमदार किरण भैय्या सामंत यांच्या उपस्थित माजी नगराध्यक्ष प्रदीप उर्फ बंड्या साळवी यांनी शेकडो पदाधिकाऱ्यांसह प्रवेश केला आहे.
%20गांधी%20यांचे%20निधन.){kind=link}
