एकटीला गाठत दिरानेच केली हद्द पार, ‘व्हिडीओ’ दाखवून पतीही करायचा अनैसर्गिक अत्याचार, अखेर.

पती व दीर या दोघांपासून वारंवार होणारा अत्याचार असहाय्य झल्याने, पीडितेने महात्मा फुले चौक पोलीस ठाण्यात धाव घेऊन दीर ,पती, या दोघांसह त्यांना साथ देणाऱ्या सासू आणि नणंदवरही, भारतीय न्याय संहितेच्या विविध कलमांनुसार गुन्हा दाखल केला आहे. या गुन्ह्याचा अधिक तपास सुरू असल्याची माहिती वरिष्ठ पोलीस निरीक्षक ज्ञानेश्वर साबळे यांनी दिली आहे.वाहिनीवर दिराने राहत्या घरात बलात्कार केल्याची घटना समोर अली आहे. धक्कादायक बाब म्हणजे पीडितेचा पतीही मोबाईल मधील अश्लिल व्हिडीओ दाखवून तिच्यावर अनैसर्गिक अत्याचार करायचा. अखेर पती व दीर या दोघांपासून वारंवार होणारा अत्याचार असहाय्य झल्याने, पीडितेने महात्मा फुले चौक पोलीस ठाण्यात धाव घेऊन दीर ,पती, या दोघांसह त्यांना साथ देणाऱ्या सासू आणि नणंदवरही, भारतीय न्याय संहितेच्या विविध कलमांनुसार गुन्हा दाखल केला आहे. या गुन्ह्याचा अधिक तपास सुरू असल्याची माहिती वरिष्ठ पोलीस निरीक्षक ज्ञानेश्वर साबळे यांनी दिली आहे.

पोलीस सूत्रांनी दिलेल्या माहितीनुसार, पीडित ३० वर्षीय महिला ही मुंब्रा भागात राहणारी असून तिचा विवाह कल्याण पश्चिम भागातील जोशीबाग भागात राहणाऱ्या तरुणाशी मे २०१४ रोजी थाटात झाला होता. त्यानंतर २०२२ पर्यत सुखानं संसार सुरू असतानाच पीडितेचा पती रात्री घरी आल्यावर तिला अश्लिल व्हिडीओ दाखवून तिच्यावर अनैसर्गिक अत्याचार करत होता. यावरून दोधांमध्ये वादही झाले. शिवाय सासू व नणंद यांनाही पती करत असलेल्या घृणास्पद कृत्याची माहिती दिली. मात्र पती असल्याने तो काही करणार म्हणून तिलाच शिवीगाळ आणि मारहाण केल्याचे पीडित पत्नीने तक्रारीत नमूद केलं आहे. खळबळजनक बाब म्हणजे पतीचे बाहेर देखील इतर स्त्रियांशी प्रेमप्रकरण असल्याचे समजले. त्यावेळी सदर बाबत पतीस विचारणा केली असता त्याने पीडित पत्नीला बेदम मारहाण केली. असे पीडित पत्नीने तक्रारीत नमूद केलं आहे.

दुसरीकडे पतीचे कुटूंब एका कार्यक्रमानिमीत्ताने घराबाहेर गेले असता, पीडिता घरी एकटी होती. याच संधीचा फायदा घेऊन विवाहित असलेल्या दिराने पीडितेशी लगट करत अश्लील चाळे केले. त्यानंतर या घटनेची माहिती पती व सासूला दिली असता, उलट पीडितेलाच दोघांनी मारहाण करत शिवीगाळ केली. त्यामुळं दिराची हिंमत वाढली होती. त्यानंतर पुन्हा पीडिता घरात एकटीच असताना दिराने, २० डिसेंबर २०२४ रोजी बलात्कार केल्याचं तक्रारीत नमूद केलं आहे.दरम्यान, पती व दिराच्या तसेच सासू व नणंदेच्या मानसिक व शारीरिक छळाला कंटाळून महात्मा फुले चौक पोलीस ठाण्यात धाव घेऊन तिच्यावर घडलेल्या घटनांचे कथन करताच, पोलिसांनी भारतीय न्याय संहिता कलम ६४ (१) ७५ ७४ ८५ ३५२ ३ (५) नुसार गुन्हा दाखल करण्यात आला. या संदर्भात वरिष्ठ पोलीस निरीक्षक ज्ञानेश्वर साबळे यांच्याशी संपर्क साधला असता, पीडित महिलेच्या तक्रारीवरून दिरावर अत्याचाराचा तर पतीवरही अनैसर्गिक अत्याचार, व सासू आणि नणंदेवर मारहाण आणि शिवीगाळ केल्याप्रकरणी गुन्हा दाखल केला आहे. या गुन्ह्याचा अधिक तपास सुरू असल्याची माहिती त्यांनी दिली असून, चौकशी अंतीच आरोपीवर कारवाई केली जाणार असल्याचेही सांगितले आहे.