फेसबुक मेसेंजरच्या माध्यमातुन ‘मैत्री’! शिक्षकाला ‘हनी ट्रॅप’मध्ये अडकवत मुलीने केले ‘हे’ .

नंदुरबार येथील एका शिक्षकाने धुळे शहरातील देवपूर भागात असलेल्या जी.टी.पी. स्टॉप जवळील एका मुलीशी महिनाभरापूर्वीच फेसबुक मेसेंजरच्या माध्यमातुन फ्रेन्ड रिक्वेस्ट स्विकारली. आणि तिच्याशी चॅटींग केली. दोघेही मेसेजद्वारे एकमेकांच्या संपर्कात आले. ११ जानेवारी रोजी संबंधित मुलीने शिक्षकाला धुळे येथे भेटण्यासाठी बोलविले. १२ जानेवारीला शिक्षक तिला भेटण्यासाठी जी.टी.पी. स्टॉपजवळ आले. याठिकाणी मुलगी मेस्ट्रो स्कुटीवर त्यांना घेण्यासाठी आली आणि तिने शिक्षकाला तिच्या घरी नेले.एका शिक्षकाला मोहजाळात अडकवून (हनी ट्रॅप) त्याच्यासोबत अश्लिल व्हिडीओ बनविण्यात आले. हा व्हिडीओ समाजमाध्यमावर प्रसारित करण्याची धमकी देवून पीडित शिक्षकाकडून १२ लाख रुपये खंडणीची मागणी करणाऱ्या चौघांना स्थानिक गुन्हे शाखेच्या पोलिसांनी अटक केली.

नंदुरबार येथील एका शिक्षकाने धुळे शहरातील देवपूर भागात असलेल्या जी.टी.पी. स्टॉप जवळील एका मुलीशी महिनाभरापूर्वीच फेसबुक मेसेंजरच्या माध्यमातुन फ्रेन्ड रिक्वेस्ट स्विकारली. आणि तिच्याशी चॅटींग केली. दोघेही मेसेजद्वारे एकमेकांच्या संपर्कात आले. ११ जानेवारी रोजी संबंधित मुलीने शिक्षकाला धुळे येथे भेटण्यासाठी बोलविले. १२ जानेवारीला शिक्षक तिला भेटण्यासाठी जी.टी.पी. स्टॉपजवळ आले. याठिकाणी मुलगी मेस्ट्रो स्कुटीवर त्यांना घेण्यासाठी आली आणि तिने शिक्षकाला तिच्या घरी नेले.घरात ती निर्वस्त्र झाली आणि तेवढ्यात तिथे तीन जण आले. त्यांनी शिक्षकाच्या अंगावरचे कपडे काढुन महिलेसोबत व्हिडीओ तयार केला आणि हा व्हिडीओ समाज माध्यमावर प्रसारित करण्याची धमकी दिली. हा अप्रिय प्रकार टाळायचा असेल, तर १२ लाख रुपयांची खंडणी द्यावी लागेल असे पीडित शिक्षकाला बजावले. यावेळी तिघांनी शिक्षकाकडील मोबाईल हँडसेटही हिसकावून घेतला. या घटनेनंतर सायंकाळी शिक्षक नंदुरबार येथे निघुन गेले.१३ जानेवारी रोजी मात्र पीडित शिक्षकाने पोलिसांच्या स्थानिक गुन्हे शाखेत धाव घेतली आणि संबंधित अधिकाऱ्यांना घडलेला प्रकार सांगीतला.

या घटनेच्या मुळाशी जाण्यासाठी पोलीस अधीक्षक श्रीकांत धिवरे यांचे मार्गदर्शन घेण्यात आले. पोलिसांनी तपास पथक तयार करून नंदुरबार येथे धुळे चौफुलीवर सापळा रचण्यात आला आणि तेथे एका कारमधून चार जण आले. ठरल्याप्रमाणे शिक्षकाने त्यांच्याकडे खंडणीची रक्कम देताच त्यांना धुळे व नंदुरबार पोलीसांच्या संयुक्त पथकाने ताब्यात घेतले.ज्या मुलीने हा बनाव केला त्या देवपूरातील जी.टी.पी. स्टॉपजवळ वास्तव्यास असलेल्या मुलीस पोलिसांनी आरोपी केले असून, देवेश दिपक कपुर (वय १९ वर्ष) रा. तिरुपती नगर, बिलाडी रोड, देवपूर धुळे, हितेश ज्ञानेश्वर बिन्हाडे (वय- १९ वर्ष) रा. तिरुपती नगर, बिलाडीरोड, देवपूर धुळे व हर्षल गोपाल वाघ (वय-२१ वर्ष) रा. भगवा चौक, रावेर ता.जि. धुळे व विनय देवानंद नेरकर, (वय २३वर्ष) रा. फॉरेस्ट कॉलनी, देवपूर धुळे यांचेविरुध्द देवपूर पोलीस ठाण्यात गुन्हा दाखल करून चार तरुणांना अटक करण्यात आली आहे.ही कामगिरी पोलीस अधीक्षक श्रीकांत धिवरे व अपर पोलीस अधीक्षक किशोर काळे यांच्या मार्गदर्शनाखाली स्थानिक गुन्हे शाखेचे पोलीस निरीक्षक श्रीराम पवार, पोउनि. प्रकाश पाटील, पोहेकॉ. मायुस सोनवणे, पोहेकॉ. संदीप पाटील, पोहेकॉ. पकंज खैरमोडे, पोहेकॉ. चेतन बोरसे व चापोहेकॉ. संजय सुरसे यांनी केली आहे.