घरच्यांचा विरोध तरी प्रेमविवाह केला, बायकोच्या घरी रहायला गेला आणि १० दिवसांतच.

 प्रेमविवाहाच्या १० दिवसांनंतर पतीचा संशयास्पद अवस्थेत मृतदेह आढळल्याने बिहारमधील मुझफ्फरपूरमध्ये खळबळ उडाली आहे. तरुणाने गळफास घेऊन आत्महत्या केल्याचे मृताची पत्नी आणि सासूचे म्हणणे आहे. माहिती मिळताच पोलिसांनी घटनास्थळ गाठून मृतदेह ताब्यात घेतला.प्रेमविवाहाच्या १० दिवसांनंतर पतीचा संशयास्पद अवस्थेत मृतदेह आढळल्याने बिहारमधील मुझफ्फरपूरमध्ये खळबळ उडाली आहे. तरुणाने गळफास घेऊन आत्महत्या केल्याचे मृताची पत्नी आणि सासूचे म्हणणे आहे. माहिती मिळताच पोलिसांनी घटनास्थळ गाठून मृतदेह ताब्यात घेतला. हा तरुण लग्नानंतर पत्नीसह भाड्याच्या घरात राहत होता. तो उपहारगृह चालवत होता. ज्यामध्ये त्याच्या पत्नीचीही त्याला मदत होत होती. पोलिसांनी गुन्हा दाखल करून तपास सुरू केला आहे.

शाहिद अन्सारी असे मृताचे नाव असून, मुझफ्फरपूरच्या ब्रह्मपुरा पोलीस स्टेशन हद्दीतील चांदनी चौकात ही घटना घडली आहे. तो मूळचा सीतामढी जिल्ह्यातील बाजपट्टी गावचा रहिवासी होता. १० दिवसांपूर्वी त्याने चांदणी चौकातील तरुणीशी लग्न केले होते. पोलिसांनी मृताच्या सासरच्या मंडळींची चौकशी सुरु केली आहे. पुरावे गोळा करण्यासाठी एफएसएल टीमला घटनास्थळी पाचारण करण्यात आले. ज्या खोलीत तरुणाने गळफास घेतला त्याचीही कसून चौकशी करण्यात येत आहे.पोलिसांनी दिलेल्या माहितीनुसार, शाहिदने काही कारणास्तव आपल्या खोलीत गळफास लावून घेतला. त्याने आत्महत्या का केली याचे कारण अद्याप समजलेले नाही. याप्रकरणी गुन्हा दाखल करण्यात आल्याचे पोलिसांचे म्हणणे आहे. घटनेचा अधिक तपास करण्यात येत आहे. मृतदेह शवविच्छेदनासाठी एसकेएमसीएचमध्ये पाठवण्यात आला आहे. त्याच वेळी, मृताच्या सासूचे म्हणणे आहे की तिने तिच्या मुलीसोबत शाहिदच्या लग्नाला आनंदाने होकार दिला होता. लग्नानंतर शाहिद चांदनी चौक येथे नाश्त्याचे दुकान चालवत असे, ज्यामध्ये तीची मुलगीही मदत करत असे. पण अचानक असे काय घडले ज्यामुळे शहीदने आत्महत्या केली.मिळालेल्या माहितीनुसार, शाहिदचे कुटुंबीय त्याच्या लग्नासाठी तयार नव्हते. मात्र त्याने कुटुंबाच्या विरोधाला न जुमानता लग्न केले आणि लग्नानंतर तो सासरच्या घरी राहू लागला. नंतर त्याने भाड्याने खोलीही घेतली. घटनेची माहिती मिळताच त्याच्या कुटुंबात खळबळ उडाली. त्याच्या कुटुंबीयांनी अद्याप कोणतीही तक्रार केली नसल्याचे पोलिसांचे म्हणणे आहे.