बायकोचं मृत्यू प्रमाणपत्र काढायला गेला; सचिवाला लाच देण्यास नकार, पतीसोबत भयंकर प्रकार

पत्नीच्या मृत्यूचे प्रमाणपत्र काढण्यास गेलेल्या पतीला ग्रांमपचायत सचिवांनी लाच देण्यास सांगितले मात्र त्याने नकार दिला. त्याचा बदला म्हणून सचिवाकडून जे करण्यात आले ते सर्वांसाठीच धक्कादायक होते.लाचेखातर एखादी भ्रष्टाचारी व्यक्ती कोणत्याही थराला जाऊ शकते याचे प्रत्यय देणारे प्रकरण समोर आले आहे. या प्रकरणामध्ये आपल्या पत्नीचा मृत्यू प्रमाणपत्र काढण्यासाठी गेलेल्या एका व्यक्तीने लाच देण्यास नकार दिला त्याचा बदला म्हणून ग्रामपंचायत सचिवांनी त्याच्याऐवजी त्या व्यक्तीचेच मृत्यू प्रमाणपत्र बनवले. हा प्रकार उत्तरप्रदेशमधील हरदोई जिल्ह्यामध्ये घडला आहे. या पीडित व्यक्तीने या प्रकरणाची तक्रार जिल्हाधिकाऱ्यांकडे केली. त्यानंतर या सचिवांवर कारवाई करण्यात आली असून निलबिंत करण्यात आले.

मीडिया रिपोर्टनुसार, हे संपूर्ण प्रकरण उत्तर प्रदेशातील हरदोई जिल्ह्यातील अटवा गावाचे आहे. येथील रहिवासी विश्वनाथ यांच्या पत्नी शांती देवीचे 19 डिसेंबर 2024 रोजी निधन झाले. विश्वनाथ आपल्या पत्नीच्या मृत्यू प्रमाणपत्राकरिता ग्रामपंचायत सचिव सरिता देवी यांच्याकडे गेले होते. त्यानंतर सुरुवातीला सरिता देवी मृत्युपत्र चालढकल करत होत्या नंतर त्यांनी मृत्यू प्रमाणपत्र बनवून देण्यासाठी विश्वनाथकडे 2 हजार रुपयांची मागणी केली. ही मागणी करताच विश्वनाथ यांनी लाच देण्यास नकार देत. प्रमाणपत्र देण्याची मागणी केली.

विश्वनाथ यांनी लाच न देण्याच्या भूमिकेमुळे सचिवांनी त्यांना ग्रामपंचायत कार्यालयाच्या वारंवार चक्रा मारायला लावल्या. अखेर 3जानेवारी 2024 रोजी ग्रामपंचायत सचिवांनी त्यांना मृत्यू प्रमाणपत्र बनवून दिले. विश्वनाथ यांनी ते प्रमाणप्रत्र पाहिले तेव्हा त्यावर पत्नी शांती देवीचे नाव नव्हते तर त्याऐवजी त्यांचे स्वत:चे नाव त्यावर होते. हे पाहताच विश्वनाथ यांना धक्का बसला. लाच देण्यास नकार दिल्याने हा प्रकार सचिवांनी त्यांच्यासोबत केल्याचे विश्वनाथ यांना लक्षात आले. त्यांनी याप्रकाराची हरदोई जिल्ह्याचे जिल्हाधिकारी मंगला प्रसाद सिंह यांच्याकडे यासंबंधी तक्रार केली.अधिकाऱ्याने घरी जात दिले प्रमाणपत्र जिल्हाधिकाऱ्यांनी हे प्रकरण समजून घेत तात्काळ कारवाई केली. त्यांनी सरिता देवी यांना निलंबित केले. त्यांच्याविरुद्ध एफआयआर(FIR) दाखल करण्यात आला. त्याचवेळी ब्लॉक डेव्हलपमेंट अधिकारी स्वत: विश्वनाथ यांच्या घरी गेले आणि त्यांनी स्वत: शांती यांचे मृत्यू प्रमाणपत्र त्यांना देऊ केले.