Rajendra Nikam
भाजपचे विधान परिषद आमदार योगेश टिळेकर यांचे मामा आणि हॉटेल व्यावसायिक सतीश वाघ यांच्या हत्या प्रकरणात नवनवीन माहिती समोर येत आहे. सतीश वाघ यांची हत्या पत्नी मोहिनी वाघ आणि भाडेकरु अक्षय जावळकर यांनी केल्याचे तपासात उघड झाले आहे. मात्र हत्येचा निर्णय तडकाफडकी झालेला नाही. पतीला संपवण्यासाठी मोहिनी वाघ तब्बल महिन्यांपासून प्लॅन करत असल्याचे समोर आले आहे.
अक्षय जावळकरच्या आधीही मोहिनीने एका ओळखीच्या व्यक्तीला सतीश वाघ यांना मारण्याबाबत विचारणा केली होती. या प्रकरणाचा मुख्य सूत्रधार नेमका कोण? हत्यारे कुठून आणली? याच्या तपासाठी मोहिनी वाघला पाच दिवसांची पोलीस कोठडी सुनावण्यात आली आहे.आरोपी नवनाथ गुरसाळे व त्याचा साथीदार आरोपी अतिश जाधव या दोघांनी मिळून वाघ यांच्या हत्येसाठी वापरलेले हत्यारे पेरणे फाटा येथील भीमा नदी पात्रात टाकले आहे. दोन्ही आरोपींच्या माध्यमातून हत्यारांचा शोध घेऊन ते जप्त केले जाणार आहे.भारतीय जनता पक्षाचे विधान परिषद आमदार योगेश टिळेकर यांचे मामा सतीश वाघ यांच्या खून प्रकरणात सहभाग असल्याच्या आरोपावरुन पत्नी मोहिनी वाघ (वय ४८, रा. फुरसुंगी फाटा, मांजरी फार्मजवळ) हिला बुधवारी संध्याकाळी अटक करण्यात आली होती. पोलिसांच्या प्राथमिक चौकशीत तिने पतीच्या हत्येच्या कटात सहभाग असल्याची कबुली दिली होती. त्यानंतर पोलिसांनी मोहिनीला गुरुवारी दुपारी वानवडी येथील लष्कर न्यायालयात प्रथमवर्ग न्यायदंडाधिकारी न्यायालयात हजर केले.आरोपी अक्षय जवळकर ३२ वर्षांचा आहे. २००१ मध्ये तो आई वडिलांसह फुरसुंगीतील वाघ कुटुंबाच्या घरात भाड्याने राहायला आला होताा. त्यावेळी तो फक्त नऊ वर्षांचा होता. अक्षय आणि सतीश-मोहिनी वाघ यांचा मुलगा जवळपास एकाच वयाचे असल्यामुळे दोघांमध्ये चांगली मैत्री झाली. दोन्ही कुटुंबही जवळ आली. २०१३ मध्ये अक्षय साधारण २१ वर्षांचा झाल्यापासून त्याचे मोहिनी वाघ यांच्यासोबत अनैतिक संबंध सुरु झाल्याचे बोलले जाते. दोघांमध्ये १६ वर्षांचं अंतर आहे.
